ग्राउन्ड जिरो

तीर्थालुलाई सहज र ताप्लेजुङ विकासको आधारशिला बन्नेछ पाथीभरा केबलकार

रोविन पौडेल

प्रकाशित मिति : ११ फाल्गुन २०८१, आइतबार १३ : १९ बजे

ताप्लेजुङको पवित्र धार्मिक गन्तव्य पाथीभरामा बन्दै गरेको केबलकारको विषयमा पछिल्लो समय पक्ष विपक्षबीच विवाद छ । खासगरी ‘नो केबलकार’ पक्षले चर्काएको आन्दोलनका कारण जिल्लामा विकास निर्माण र लगानीलाई निरुत्साहन गरेको छ ।

केबलकार निर्माणलाई राजनीतिकरण गरिँदा यहाँका व्यवसायीलाई समेत अलमलमा पारिएको छ ।

ताप्लेजुङको विकासका लागि केवलकार नै मियो हुने यहाँका स्थापित व्यवसायी बनाउँछन् । ताप्लेजुङका व्यवसायी सबै केबलकार बन्नुपर्ने पक्षमा छन् । केबलकार बनेपछि जिल्लाको पर्यटन गतिविधि प्रबद्र्धन हुने तथा जिल्लामा उत्पादित वस्तु तथा सामाग्रीले बजार पाउने त छँदैछ ताप्लेजुङमा अन्य पूर्वाधार विकासका लागि आधार बन्नेमा जिल्लाका व्यवसायी एकमत छन् ।

ताप्लेजुङ उद्योग वाणिज्य संघका कार्यवाहक अध्यक्ष दावा शेर्पा पनि केबलकार बनाए ताप्लेजुङमा विकासको सुरुवात गर्नुपर्ने तर्क गर्छन् ।

क्लिकमान्डुको टिम ताप्लेजुङ मै आएर केवलकारलाई व्यवसायी तथा निजी क्षेत्रले कसरी बुझेको ? संघका व्यवसायीको केबलकार निर्माणमा कस्तो बुझाई छ ? भन्ने विषयमा शेर्पासँग विशेष कुराकानी गरेको छ ।

कुराकानीका क्रममा शेर्पाले ठाडो उकालोमा टाढा टाढाबाट आउने भक्तजनलाई सहज हुने र ताप्लेजुङको विकासको खुड्किलोसमेत हुने भएकोले पनि केबलकार आवश्यक रहेको बताएका छन् ।

यहाँको विकास गर्न पर्यटकीय क्षेत्रका रुपमा ताप्लेजुङलाई प्रबद्र्धन गर्न पाथीभरामा बन्न लागेको कोषेढुंगा बन्ने उनको बुझाइ छ । ‘ताप्लेजुङमा बढीभन्दा बढी धार्मिक पर्यटक पुर्याउनुपर्ने छ, धेरैभन्दा धेरै तीर्थयात्री पाथीभरा पुग्नु भनेको पाँचथर, इलाम, तेह्रथुम लगायत जिल्लाले पनि लाभ लिने आधार हो,’ उनले कुराकानीका क्रममा भनेका छन् ।

प्रस्तुत छ, उनै शेर्पासँग केबलकारको विषयमा क्लिकमान्डुका लागि राजु बास्कोटा र रोविन पौडेलले गरेको विशेष कुराकानीः