लगानीकर्ताको सम्पत्तिमाथि प्रतिफल दिनेमा एनआइसी एशिया फस्ट, सिभिल लास्ट, कुन बैंकको कति ? (सूचिसहित)

काठमाडौं । आक्रमक बजार विस्तारमा होमिएपछि एनआइसी एशिया बैंकका सूचकहरु पनि सोही अनुरुप माथि पुगेपछि एलिट बैंकरहरु पनि डराउन थालेका छन् ।

निक्षेप संकलन, कर्जा प्रवाह, नाफा, ग्राहक संख्यालगायतमा एनआइसी एशिया बैंकले १८ वर्षमा गर्न नसकेको प्रगति ३ वर्षमा गरेको छ । यो प्रगतिको श्रेय हो आक्रमक बजार विस्तारको नीति ।

बैंक आक्रमक हुँदा लगानीकर्ताले के पाए छ ? अहम् प्रश्न हो यो ।

बैंकका सेयरधनीले सामान्य मात्रै लाभांश पाउँदै आएका छन् । तर, अब भने त्यस्तो हुने छैन ।

नाफाको वृद्धिदरः एनआइसी एशियाको चमत्कार, नविल कमजोर, इन्भेष्टमेन्टको घट्यो, कुन बैंकको कति ?

बैंकका सूचकांकहरुलाई हेरेर भन्न सकिन्छ यस्तै प्रगति गर्दै जाने हो भने आगामी वर्षहरुमा बैंकका सेयरधनीहरुले उच्च प्रतिफल पाउने छन् ।

आजका दिनमा एनआइसी एशिया बैंक लगानीकर्ताको सम्पत्तिमा सबैभन्दा बढी प्रतिफल दिने बैंक बन्न सफल भएको छ ।

०७५ चैत मसान्तमा रिटर्न अन इक्वीटी (आरओइ) अर्थात् लगानीकर्ताको सम्पत्तिमाथि प्रतिफल दिने बैंकहरुको सूचिमा एनआइसी एशिया बैंक १ नम्बरमा छ । ०७५ पुसदेखि यो बैंक आरओइमा १ नम्बरमा पर्न सफल भएको हो ।

बैंकले नाफा बढाएसँगै आरओइ बढेको हो ।

हामी नेपालीहरु बैंकले कति बोनस सेयर र नगद लाभांश दियो भनेर हेर्छौं । तर, बैंको आरओइ कति छ, प्रतिसेयर आम्दानी कति छ ? भन्ने कुरालाई अलि कम ख्याल गर्छौं । लगानीकर्ताका लागि यी सूचक पनि उत्तिकै महत्वपूर्ण हुन् ।

विश्लेषणः नविल बैंक र एनआइसी एशियाको तुलना गर्न मिल्छ ? किन गरे अनिल शाहले ?

आरओइ र पीइ रेसियोले त्यो बैंकमा गरिएको लगानीमा प्रतिफल छ भन्ने प्रमाणित गर्छ । त्यसैले हुनुपर्छ पछिल्ला दिनहरुमा एनआइसी एशिया बैंकको सेयरमा लगानीकर्ताको आकर्षण बढेको छ । जसकारण बैंकको सेयर मूल्य पनि बढिरहेको छ ।

आरओईमा एक नम्बरमा रहेको पूर्णसरकारी स्वामित्वको राष्ट्रिय वाणिज्य बैंकलाई उछिन्दै एनआइसी एशिया बैंक नम्बर वान बन्न सफल भएको हो

एनआइसी एशिया बैंकको आरओई ०७५ पुसमा २७.७६ र चैतमा बैंकको २५.२७ प्रतिशत छ । ०७५ असार मसान्तमा १५.४३ प्रतिशत आरओइ कायम गर्दै १४औं स्थानमा थियो भने ०७४ पुस मसान्तमा ११.३१ प्रतिशत आरओई कायम गर्दै २०औं स्थानमा थियो ।

एक वर्षअघि २०औं नम्बरमा भएको बैंक एकर्षमै कसरी १ नम्बरमा आयो ? बैंक स्रोत भन्छ- ‘हामीले यो वर्ष राम्रो नाफा कमाएका छौं, जसकारण आरओई बढेको हो ।’

स्टाफ मिटिङमा NIC Asia को उदाहरण दिँदै इन्भेष्टमेन्ट बैंकका सीइओको निर्देशन- एग्रेसिभ हुनुहोस्

नाफा कसरी बढ्यो त ? स्रोतका अनुसार बैंकले गत साउनदेखि बचतमा दिँदै आएको ८ प्रतिशत ब्याजदरलाई ६ प्रतिशतमा झार्यो । जसकारण ब्याजखर्च निकै कम हुँन जाँदा नाफा बढ्को हो । त्यसका अलावा नाफा बढ्नुका अरु कारण पनि छन् ।

एक वर्षको अवधिमा बैंकको नाफा १४५ प्रतिशतले बढेको छ । गत आर्थिक वर्षको चैत मसान्तमा ९२ करोड ७६ लाख रुपैयाँ नाफा कमाएको बैंकले चालू आर्थिक वर्षको चैत मसान्तमा २ अर्ब २७ करोड ६४ लाख रुपैयाँ नाफा कमाएको छ ।

०७४ पुस र ०७५ असारमा आरओइका आधारमा पहिलो नम्बरमा रहेको राष्ट्रि वाणिज्य बैंक अहिले दोस्रो नम्बरमा छ । यो बैंकको आरओई लगातार घट्दो अवस्थामा छ । यो बैंकको आरओई ०७४ पुसमा ३४.०८, ०७५ असारमा २८.४८, ०७५ पुसमा २५.३२ र ०७५ चैतमा २४.४८ प्रतिशत छ ।

नविल, इन्भेष्टमेन्ट र एभरेष्टसहित १३ बैंकको ‘आरओई’ घट्यो, प्रभुको छलाङ, कुन बैंकको के भयो ? (सूचिसहित)

०७४ चैत मसान्तको भन्दा ०७५ चैत मसान्तमा मा राष्ट्रिय वाणिज्य बैंकले १३ प्रतिशतले बढी अर्थात् ३ अर्ब ४९ करोड ९३ लाख रुपैयाँ नाफा कमाएको छ ।

निजी क्षेत्रका प्रवद्धकद्वारा सञ्चालन गरिएको बैंकमध्ये सबैभन्दा धेरै नाफा कमाउने नविल बैंक लगानीकर्ताको सम्पत्तिमाथि प्रतिफल दिने बैंकको सूचिमा तेस्रो स्थानमा छ ।

नविल बैंकको आरओई ०७५ चैतमा २२.८१ प्रतिशत छ । यो बैंकको ०७४ पुसमा २६.१४ प्रतिशत, ०७५ असारमा २४.३८ प्रतिशत, ०७५ पुसमा २१.३५ प्रतिशत आरओई थियो ।

नविल Vs एनआइसी एशियाः कुन बैंकको सेयर किन्दा ठीक ? (प्राविधिक विश्लेषण)

नविल बैंकले ०७४ चैत मसान्तको भन्दा ०७५ चैत मसान्तमा ३ प्रतिशतले बढी अर्थात् ३ अर्ब १९ करोड १० लाख रुपैयाँ नाफा कमाएको छ ।

सबैभन्दा कम आरओई सिभिल बैंकको छ । सिभिल बैंक २८ वटा बैंकमध्ये आरओईका आधारमा २८औं नम्बरमा पर्छ । ०७५ चैत मसान्तमा सिभिल बैंकले लगानीकर्ताको सम्पत्तिमा जम्मा ६.९२ प्रतिशत मात्रै प्रतिफ दिएको छ ।

सिभिल बैंकले ०७४ चैत मसान्तको तुलनामा ४७ प्रतिशतले नाफा बढाउँदै ०७५ चैत मसान्तमा ४९ करोड ३९ लाख रुपैयाँ नाफा कमाएको छ ।
आरओईका आधारमा सानिमा बैंक चौथो स्थानमा छ । सानिमा बैंकको आरओई ०७५ चैतमा २१.७६ प्रतिशत छ । यो बैंकको ०.७४ पुसमा १८.०४ प्रतिशत, ०७५ असारमा १८.६७ प्रतिशत र ०७५ पुसमा २०.३३ प्रतिशत आरओई छ ।

कस्ले तिरेन इन्भेष्टमेन्ट बैंकको ४ अर्ब ? खराब कर्जा ३००%ले बढ्यो, कुन बैंकको कति ? (सूचिसहित)

सानिमा बैंकले ०७४ चैत मसान्तको भन्दा ०७५ चैत मसान्तमा ३१ प्रतिशत बढी अर्थात् १ अर्ब ५७ करोड ५३ लाख रुपैयाँ नाफा कमाएको छ ।
त्यस्तै, एभरेष्ट बैंक पाँचौ स्थानमा छ । यो बैंकको ०७५ चैतमा २०.६२ प्रतिशत आरओई छ । ०७४ पुसमा १७.९४ प्रतिशत, ०७५ असारमा १९.०५ प्रतिशत र ०७५ पुसमा २०.०६ प्रतिशत आरओई छ ।

एभरेष्ट बैंकले०७४ चैत मसान्तको तुलनामा १८ प्रतिशतले नाफा बढाउँदै ०७५ चैत मसान्तमा २ अर्ब २१ करोड ६० लाख रुपैयाँ नाफा कमाएको छ ।

०७५ चैत मसान्तमा लगानीकर्ताको सम्पत्तिमा २० प्रतिशतभन्दा बढी प्रतिफल दिने बैंक एनआइसी एशिया, राष्ट्रिय वाणिज्य, नविल, सानिमा र एभरेष्ट मात्रै हुन् ।

स्ट्याण्र्ड चार्टर्ड, प्राइम, ग्लोबल, एसबिआई, माछापुच्छ्रे, सिद्दार्थ, सनराइज, प्रभु, हिमालयन र इन्भेष्टमेन्ट बैंकको आरओई १५ प्रतिशतभन्दा माथि छ ।

जनता, एनएमबि, एनबी, एनसीसी, बिओके, मेगा, सिटिजन्स, कुमारी, लक्ष्मी र नेपाल बैंकको आरओई १० प्रतिशतभन्दा माथि छ ।
कृषि विकास, सेञ्चुरी र सिभिल बैंकको आरओई भने १० प्रतिशतभन्दा कम छ ।

Bank	Chaitra 075	Poush 075	Ashad 075	Poush 074	Rank 075	Rank Poush 075	Rank Ashad 075	Rank Poush 074
NIC Asia	25.27%	25.76%	15.43%	11.31%	1	1	14	20
Rastriya Banijya Bank	24.48%	25.32%	28.48%	34.08%	2	2	1	1
Nabil	22.81%	21.35%	24.38%	26.14%	3	3	2	3
Sanima	21.76%	20.33%	18.67%	18.04%	4	5	6	7
Everest	20.62%	20.06%	19.05%	17.94%	5	6	5	8
Standard Chartered	18.56%	16.47%	18.37%	18.24%	6	11	8	6
Prime	18.46%	18.96%	19.81%	16.62%	7	7	4	12
Global IME	18.40%	18.12%	18.38%	17.20%	8	8	7	10
Nepal SBI	17.96%	17.19%	17.19%	16.87%	9	10	11	11
Machhapuchchre	17.33%	16.37%	13.93%	10.65%	10	13	16	21
Siddhartha	16.50%	16.43%	16.76%	15.32%	11	12	13	13
Sunrise	15.48%	13.83%	15.21%	12.16%	12	18	15	18
Prabhu	15.42%	16.29%	9.23%	12.02%	13	14	27	19
Himalayan	15.20%	20.68%	17.68%	18.90%	14	4	9	5
Nepal Investment	15.19%	17.49%	16.90%	19.57%	15	9	12	4
Janata	14.59%	12.20%	10.94%	7.59%	16	22	22	27
NMB	14.57%	13.15%	9.29%	17.66%	17	19	26	9
Nepal Bangladesh	14.04%	14.68%	12.01%	8.90%	18	15	19	25
Nepal Credit & Commerce	13.99%	14.18%	22.94%	13.39%	19	16	3	14
Bank of Kathmandu	13.74%	11.84%	13.71%	10.42%	20	25	17	22
Mega	13.61%	12.23%	10.51%	9.10%	21	21	23	24
Citizens	13.00%	14.04%	13.58%	13.38%	22	17	18	15
Kumari	12.72%	12.55%	10.40%	12.92%	23	20	24	16
Laxmi	12.45%	12.12%	11.68%	10.32%	24	23	20	23
Nepal Bank	10.84%	11.95%	10.21%	28.61%	25	24	25	2
Agriculture Dev	8.92%	10.18%	17.23%	12.41%	26	27	10	17
Century	8.40%	11.28%	11.18%	8.04%	27	26	21	26
Civil	6.92%	6.94%	7.36%	6.49%	28	28	28	28