चितवनमा प्रहरीले लात्तै लात्ताले युवक कुटेको भिडियो भाइरल, छानबिनका लागि समिति गठन

काठमाडौं । प्रहरीले एक युवकलाई कुटपिट गरेको भिडियो सामाजिक सञ्जालमा भाइरल बनेको छ ।

भिडियोमा चेकिङमा खटिएका एक प्रहरीले युवकलाई लात्ताले हानेपछि लडेको र त्यसमाथि थप प्रार गरेको देख्न सकिन्छ । ‘पावर देखाएको’ र ‘फोन गरेको’ भन्दै प्रहरीले बुटले लगातार हिर्काएको भिडियो भाइरल भएको हो ।

प्रहरीले चितवनको बाइपास सडकखण्डमा रातिको बेलामा मोटरसाइकल चेकिङ गरिरहेको भिडियोमा देखिन्छ ।

जिल्ला प्रहरी कार्यालय चितवनका एसपी गौतम मिश्रले घटना छानबिनका लागि डीएसपी ज्ञानकुमार महतोको नेतृत्वमा तीन सदस्यीय छानबिन समिति गठन गरिएको जानकारी दिए ।

प्रहरी प्रधान कार्यालयले भने यो घटना पुस १४/१५ गते चितवनमा भएको दाबी गरेको छ ।

सामाजिक सञ्जालमा यो भिडियो भाइरल भएसँगै प्रहरीको आचरण र व्यावसायिकतामाथि गम्भीर प्रश्न उठाएको छ ।