खोखो विश्वकपमा नेपालको महिला टोली उप-विजेतामा सिमित, फाइनलमा भारतसँग पराजित

काठमाडौं । खोखो विश्वकपको महिलातर्फको फाइनल खेलमा नेपालको महिला टोली भारतसँग पराजित भएको छ ।

दिल्लीको इन्दिरा गान्धी इन्डोर स्टेडियममा आइतबार सम्पन्न खेलमा नेपाल भारतसँग पराजित हुँदै उपाधि जित्नबाट बञ्चित भएको हो । भारतले नेपालमाथि ७८–४० को जित निकाल्यो । भारतले पहिलो टर्नमा ३४–० को फराकिलो अग्रता लिएको थियो ।

दोस्रो टर्नमा नेपालले केही आक्रमक प्रयास गर्दै स्कोरलाई ३५–२४ बनायो । तेस्रो टर्नमा भारतले ३८ अंक जोड्दै आफूलाई जिततर्फ लियो । अन्तिम टर्नमा नेपाल आक्रमण बनेपनि १६ अंक मात्र जोड्न सफल भयो ।

समग्रमा भारतले ७८–४० को जित निकाल्दै उपाधि उचाल्न सफल भयो ।