नयाँ स्टकको लाइसेन्सबारे धितोपत्र बोर्डको बैठक: प्रतिवेदन बाँडियो, अर्को बैठकमा छलफल

काठमाडौं । नेपाल धितोपत्र बोर्डले बिहिबार नयाँ स्टक एक्सचेञ्जको लाइसेन्सको लागि छलफल गर्न बोर्ड बैठक बोलाएपनि त्यसमा निर्णायक छलफल भने हुन सकेन । नयाँ स्टक एक्सचेञ्जको लाइसेन्स सन्दर्भमा नेपाल राष्ट्र बैंकका सञ्चालक चिन्तामणी शिवाकोटी नेतृत्वको अध्ययन समितिले तयार पारेको प्रतिवेदन कार्यान्वनको लागि छलफल गर्ने र आवशयक निर्णय गर्ने भन्दै बिहिबार साँझ धितोपत्र बोर्डको सञ्चालक समिति बैठक बसेको थियो ।

५ पुस २०८१ मा नेपाल सरकार मन्त्रिपरिषद्ले दिएको निर्देशन कार्यान्वयन सन्दर्भमा छलफल गर्ने भन्दै बोर्डले बिहिबार साँझको लागि सञ्चालक समिति बैठक आह्वान गरेको थियो । मन्त्रिपरिषद्ले ५ पुसमा नयाँ स्टक एक्सचेञ्जको लाइसेन्सको सन्दर्भमा शिवाकोटीको नेतृत्वको अध्ययन समितिको प्रतिवेदन कार्यान्वयन गर्न निर्देशन दिएको थियो ।

शिवाकोटी नेतृत्वको अध्ययन समितिले नयाँ स्टक एक्सचेञ्जको लाइसेन्स सँगै नेपाल स्टक एक्सचेञ्जको पुनरसंरचना पनि सँगसँगै अघि बढाउनुपर्ने निष्कर्ष सहित प्रतिवेदन बुझाएको थियो । सोही प्रतिवेदन कार्यान्वयनको लागि आवश्यक सुझाव सहित पेश गर्न भन्दै धितोपत्र बोर्डको अध्यक्ष सन्तोष नारायण श्रेष्ठले बोर्डकै सञ्चालक समितिको नेतृत्वमा अर्को समिति बनाएका थिए ।

कर्पोरेट वारले विवादास्पद बनेको नयाँ स्टक एक्सचेञ्जको लाइसेन्स दिने अन्तिम तयारी

शिवाकोटीको प्रतिवेदन कार्यन्वयन गर्नको लागि बोर्डमा कानुन मन्त्रालयबाट प्रतिनिधित्व गर्ने सञ्चालक विनोदकुमार भट्टराई नेतृत्वमा कार्ययोजनासहितको सुझाव पेश गर्ने भन्दै समिति गठन गरेका थिए । उक्त समितिले १ महिना अघि नै बोर्ड अध्यक्षलाई कार्ययोजना सहितको प्रतिवेदन बुझाएपनि सञ्चालक समितिमा पेश हुन सकेको थिएन । उक्त समितिले नयाँ स्टक एक्सचेञ्जभन्दा पनि नेप्सेको पुनरसंरचनाको सन्दर्भमा कसरी अघि बढ्न भन्ने विषयमा कार्ययोजना पेश गरेको छ ।

‘नेप्सेको पुनरसंरचना गर्ने विषय सहज छैन । तर नयाँ स्टककको लाइसेन्स पनि दिनुपर्नेछ,’ स्रोतले भन्यो, ‘नेप्सेका पुनरसंचरनाको सन्दर्भमो उक्त प्रतिवेदनको आधारमा सरकारलाई आवश्यक प्रक्रियाको लागि प्रत्राचार गर्ने र नयाँ स्टक एक्सचेञ्जको फाइल खोल्ने तयारी हो ।’

सरकारले खोल्यो नयाँ स्टकलाई लाइसेन्स दिने बाटो, प्रक्रिया जहाँ रोकिएको थियो त्यहीँबाट अघि बढ्ने

बोर्ड अध्यक्ष श्रेष्ठले बिहिबार नै उक्त निर्णय गर्ने तयारी सहित बैठक बोलाएका थिए । बिहिबार नै निर्णय गर्ने भन्दा पनि उक्त प्रतिवेदनमा अध्ययन गर्नुपर्ने मत सञ्चालकहरुले राखेपछि बिहिबार अध्ययनको लागि प्रतिवेदन दिएर अर्को बैठकमा छलफल गर्ने निर्णय भएको बताइएको छ । बैठकमा नेपाल उद्योग वाणिज्य महासंघबाट प्रतिनिधित्व गर्ने सञ्चालक गोकर्ण अवस्थी र विज्ञ सञ्चालक भोलानाथ ढुंगाना अनुपस्थिति रहेको राष्ट्र बैंकबाट प्रतिनिधत्व गर्ने सञ्चालक पनि बैठकको अन्तिमतिर पुगेको बोर्ड स्रोतले क्लिकमान्डुलाई जानकारी दियो ।

मन्त्रिपरिषद्ले कार्यान्वयन गर्ने भने बोर्डमा पठाएको प्रतिवेदनलाई कसरी कार्यन्वयन गर्ने सन्दर्भमा कार्ययोजना सहितको सुझाव बोर्डमा पेश भएको र अर्को बैठकमा छलफल गर्ने निर्णय भएको धितोपत्र बोर्डका प्रवक्ता निरञ्जय घिमिरे बताउँछन् ।

नयाँ स्टकलाई बाटो खोलेको त्यो प्रतिवेदनः जो पायो त्यहीलाई लाइसेन्स नदिन सुझाव