प्राइम र कैलाशलाई राष्ट्र बैंकले मर्जरको अन्तिम स्वीकृति दियो, एकीकृत कारोबार कहिले ?
काठमाडौं । प्राइम कमर्शियल बैंक र कैलाश विकास बैंकको मर्जरलाई राष्ट्र बैंकले अन्तिम स्वीकृति प्रदान गरेको छ । गत साता बसेको राष्ट्र बैंकको सञ्चालक समितिको बैठकले मर्जरको अन्तिम स्वीकृति प्रदान गरेको हो ।
प्राइम भन्दा कैलाश विकास बैंकले लाभांश बढी दिने, १६ % बोनस सेयर २.७७ % नगद लाभांश
‘प्राइम र कैलाशको मर्जरलाई हामीले अन्तिम स्वीकृति दिएका छौं,’ राष्ट्र बैंक स्रोतले भन्यो । उनीहरुले डेढ महिनाअघि अन्तिम स्वीकृति माग्दै राष्ट्र बैंकमा आवेदन दिएका थिए ।
गत असार २० गते दुई बैंकबीच मर्जरमा जाने सैद्दान्तिक समझदारी भएको थियो । यी दुई बैंकको मर्जरलाई राष्ट्र बैंकले गत असोज दोस्रो साता सैद्दान्तिक सहमति दिएको थियो । दुई बैंकबीच गत पुस ३ गते मर्जरको अन्तिम समझदारी पत्रमा हस्ताक्षर भएको थियो ।
‘कन्जर्भेटिभ’ प्राइम कैलाश गाभेपछि पूँजीको आकारमा तेस्रो ठूलो बैंक बन्दै, यस्ता छन् वित्तीय सूचक
प्राइम बैंक स्रोतका अनुसार ढिलोमा २ हप्ताभित्र एकीकृत कारोबार हुनेछ ।
‘राष्ट्र बैंकबाट अन्तिम स्वीकृतिको चिठ्ठी आइपुगेको छैन, चिठ्ठी हात परेको दुई साताभित्रै एकीकृत कारोबार गर्नेछौं,’ स्रोतले भन्यो ।
कैलाशलाई गाभेपछि प्राइम बैंकको चुक्ता पुँजी १३ अर्ब ९५ करोड र पुँजी कोष १९ अर्ब रुपैयाँ पुग्ने छ । त्यसैगरी, १ खर्ब २८ अर्ब निक्षेप र १ खर्ब १५ अर्ब रुपैयाँ कर्जा पुग्नेछ ।
देशभर २०० वटा शाखा सञ्जाल हुनेछन् भने काठमाडौंमा मात्रै ५० भन्दा बढी शाखा हुनेछन् ।
पुष्प दुलाल
