एनसीसी बैंकको प्रतिसेयर आम्दानी दोब्बर हुँदा स्ट्याण्डर्ड चार्टर्ड,एसबिआइ र नेपाल बैंकको घट्यो

काठमाडौं । चालू आर्थिक वर्षको असोज मसान्तमा ३ बैंकको प्रतिसेयर आम्दानी (इपिएस) घटेको छ । पुँजीको अनुपातमा नाफा बढाउन नसक्दा तीन ठूला बैंकको इपिएस घटेको हो ।

स्ट्याण्डर्ड चार्टर्ड, एसबिआइ र नेपाल बैंकको इपिएस घटेको हो । तर, एनसीसी बैंकको इपिएस भने दोब्बरले बढेको छ ।

चालू आर्थिक वर्षको असोज मसान्तमा एनसीसी बैंकको एक कित्ता सेयरको आम्दानी ४० रुपैयाँ ५ पैसा छ । गत आर्थिक वर्षको असोज मसान्तमा बैंकको सेयरको इपिएस २१ रुपैयाँ ५० पैसा मात्रै थियो ।

गत वर्षको असोज मसान्तमा चार्डर्ड बैंकको एक कित्ता सेयरले ४९ रुपैयाँ ९५ पैसा आम्दानी गर्थ्यो । तर, यो वर्षको असोज मसान्तमा यो बैंकको सेयरले ३१ रुपैयाँ ६६ पैसा मात्रै आम्दानी गर्छ ।

त्यस्तै, गत वर्षको असोजमा नेपाल बैंकको एक कित्ता सेयरले ४८ रुपैयाँ ३१ पैसा आम्दानी गर्थ्यो भने यो वर्षको असोजमा ३९ रुपैयाँ ९२ पैसा मात्रै आम्दानी गर्छ ।

त्यसैगरी, नेपाल एसबिआई बैंकको एक कित्ता सेयरले गत वर्षको असोजमा २५ रुपैयाँ १८ पैसा आम्दानी गर्थ्यो भने यो असोजमा २४ रुपैयाँ ३५ पैसा मात्रै आम्दानी गर्छ ।

एक वर्षको अवधिमा एनसीसी बैंकको नाफा झण्डै दोब्बर बढेको छ । गत वर्षको असोज मसान्तमा १६ करोड ४५ लाख रुपैयाँ कमाएको एनसीसी बैंकले यो असोजमा २८ करोड रुपैयाँ नाफा कमाएको छ ।

अन्य बैंकहरुले नाफा बढाए पनि एनसीसीको जस्तो झण्डै दोब्बरले नाफा नबढ्दा इपिएस घटेको हो । पुँजी बढेको तर त्यसको अनुपातमा नाफा नबढ्दा प्रतिसेयर आम्दानीमा असर पर्छ ।

सेयर लगानीकर्ताहरुका लागि प्रतिसेयर आम्दानीले ठूलो अर्थ राख्छ ।

कुन बैंकको प्रति सेयर आम्दानी कति ?