काठमाडौं। प्राइम बैंकका सीइओ नारायणदास मानन्धरले राष्ट्र बैंकको परिपत्र खारेजीको माग गर्दै दायर गरेको मुद्दा सर्बोच्च अदालतका प्रधानन्यायधीस चोलेन्द्र शम्शेर राणाले हेर्ने भएका छन् । प्रधानन्यायधीस राणाले मंगलबार आफ्नो एकल इजालसका लागि पेशी तोकेका छन् ।
गत साउन २२ गते मानन्धरले राष्ट्र बैंकले गरेको उमेरहदको व्यवस्था विरुद्ध अदालतमा मुद्दा दर्ता गरेका थिए । २३ गते न्यायाधीस मीरा खड्काको बेन्चले हेर्न नभ्याएको उक्त मुद्दा मंगलबार दिउसो सुनुवाइ हुने भएको छ ।
बैंक सञ्चालक र सिइओकाे उमेर हद तोकियो, एभरेष्टका अध्यक्ष र प्राइमका सिइओले पद छाड्नु पर्ने
राष्ट्र बैंकले ६५ वर्ष पुगेको व्यक्तिलाई सीइओ नियुक्ति गर्न नपाइने र बहालवाला सीइओ ६९ वर्ष कटेको भए स्वत पदमुक्त हुने निर्देशिका साउन २० गते ल्याएको थियो । राष्ट्र बैंकको उक्त निर्देहिकासँगै मानन्धर पदमुक्त भएका थिए । सीइओ मानन्धर ७४ वर्षका भए ।
छँदाखाँदाको जागिर राष्ट्र बैंकले खाइदिएपछि मानन्धर राष्ट्रको निर्णयलाई चुनौति दिँदै मुद्दा दायर गरेका हुन् ।
प्रतिक्रिया