दंगललाई पछ्याउँदै अल्लु अर्जुनको पुष्पा २, अहिलेसम्म कति कमायो ?

काठमाडौं । अल्लु अर्जुनको पुष्पा २ ले भारतमा सर्वाधिक कमाइ गर्ने फिल्मको सबै रेकर्ड तोडेको छ ।

फिल्म चलेका ३५ दिनमा नै पुष्पा २ ले १८ सय ४० करोड कमाएको छ । यो भारतमा सर्वाधिक कमाइ गर्ने फिल्म भएको छ । भारतमा फिल्मले १२ सय १३ कराेड रूपैयाँ कमाएको छ ।

भारतीय बक्स अफिस कलेक्सनको रेकर्ड तोडे पनि विश्वव्यापी कलेक्सनको हिसावले भने पुष्पा २ दोस्रो स्थानमा छ ।

विश्वव्यापी सर्वाधिक कमाइ गर्ने फिल्मको सूचीमा दंगल शीर्ष स्थानमा छ । दंगलको विश्वव्यापी बक्स अफिस कलेक्सन २ हजार ७० करोड रहेको थियो ।

दंगलभन्दा पुष्पा २३० करोड पछाडि छ ।