अमेरिकी सहायक विदेशमन्त्री डोनाल्ड लु नेपालमा

काठमाडौं । अमेरिकी सहायक विदेशमन्त्री डोनाल्ड लु नेपाल आइपुगेका छन् । अमेरिकी विदेश मन्त्रालयको मध्य तथा दक्षिण एसियासम्बन्धी मामला हेर्ने लु दक्षिण एसियाली मुलुकको भ्रमणका क्रममा काठमाडौं आइपुगेका हुन् ।

उनले आजै ४ बजे परराष्ट्रमन्त्री नारायणप्रकाश साउदसँग भेट गर्ने कार्यक्रम छ । त्यसपछि उनले अमेरिकन चेम्बर अफ कमर्सको एक सदस्य संस्थासँग भेटघाट गर्ने कार्यक्रम रहेको जनाइएको छ ।

लु ले विभिन्न राजनीतिक दलका नेतासँग पनि भेट गर्ने कार्यक्रम छ । यसअघि २०२२ को जुलाईमा पनि उनी नेपाल आएका थिए।