बैंक वित्तीय संस्था ध्वस्त पार्ने खेतीमा एउटा समूह १ वर्षदेखि लागिरहेको थियो: प्रधानमन्त्री

काठमाडौं । प्रधानमन्त्री केपी शर्मा ओलीले राजावादीको हिंसात्मक प्रदर्शनको पृष्ठभूमिका लागि एक वर्ष अघिदेखिको घटनालाई अध्ययन गर्नु आवश्यक रहेको बताएका छन् ।

सोमबार प्रतिनिधि सभाको बैठकमा सम्बोधन गर्दै प्रधानमन्त्री ओलीले सरकार, व्यवस्था र संविधानप्रति अनास्था, घृणा र भ्रम फैलाउन एउटा तत्व त्यसै बेलादेखि क्रियाशील रहेको र मौकाको खोजी गरिरहेको बताएका छन् ।

‘यस घटनको पृष्ठभूमिमा करिव १ वर्ष अघिदेखिको घटनालाई अध्ययन गर्नु आवश्यक छ । सरकार, व्यवस्था र संविधानप्रति अनास्था, घृणा र भ्रम फैलाउन एउटा तत्व त्यसै बेलादेखि क्रियाशील थियो । मौका खोजीरहेको थियो,’ प्रधानमन्त्रीले दुर्गा प्रसाईंको नाम उल्लेख नगरि भने, ‘धर्म, सँस्कृति, परम्पराजस्ता संबेदनशील विषयमा अनावश्यक टिप्पणी गरी साम्प्रदायिक सद्भाव विथोल्ने र खास समुदायमाथि आक्रमणमा उक्साउने काम गर्दै थियो ।’

खास समुदायमाथि आक्रमणमा उक्साउने काम उक्त समूहले गरेको उनको भनाइ थियो । ऋण तिर्न पर्दैन भन्दै ऋणिहरुको भावनात्मक संवेदना माथि खेल्ने र बैंक वित्तीय संस्था ध्वस्त पार्ने खेतीमा त्यो तत्व सक्रिय रहेको उनको भनाइ छ ।

‘ऋण तिर्न पर्दैन भन्दै ऋणिहरुको भावनात्मक संवेदना माथि खेल्ने र बैंक वित्तीय संस्था ध्वस्त पार्ने खेतीमा त्यो तत्व सक्रिय थियो,’ ओलीले भने ।