रवि लामिछानेलाई १ करोड धरौटीमा छाड्न रुपन्देही अदालतको आदेश

काठमाडौं । सुप्रिम सहकारी ठगीमा पूर्वउपप्रधान एवं गृहमन्त्री रवि लामिछानेलाई जिल्ला अदालत रुपन्देहीले धरौटीमा छाड्न आदेश दिएको छ ।

आइतबार न्यायाधीश प्रह्लादकुमार योगीको इजलासले लामिछानेलाई १ करोड धरौटीमा छाड्न आदेश दिएको हो ।

थुनछेक बहसमा सरकारी वकिलहरूले लामिछाने बाहिर रहँदा पीडितहरुको न्याय प्रभावित हुने भन्दै थुनामा पठाउन इजलास समक्ष माग गरेका थिए भने लामिछाने पक्षका वकिलले राष्ट्रिय पार्टीका सभापति लामिछानेमाथि राज्यले प्रतिशोध साँधेको भन्दै उनलाई थुनामा पठाउन नहुने माग गरेका थिए ।

लामिछानेलाई यसअघि पोखराको सूर्यदर्शन सहकारी प्रकरणमा कास्की जिल्ला अदालतले ६५ लाख र काठमाडौंस्थित कालिमाटीको स्वर्णलक्ष्मी सहकारी प्रकरणमा काठमाडौं जिल्ला अदालतले ६० लाख धरौटीमा रिहा भएका थिए ।