आईपीओ निष्कासन गर्दै प्रभु हेलिकप्टर

काठमाडौं । प्रभु हेलिकप्टर कम्पनीले साधारण सेयर (आईपीओ) निष्कासन गर्ने भएको छ ।

कम्पनीले फागुन ४ गते बस्ने तेस्रो बार्षिक साधारण सभामा आईपीओ निष्कासन गर्ने प्रस्ताव गरेको छ । सभाले आईपीओ ल्याउने प्रस्ताव पारित गरेपछि थप प्रकया अघि बढ्ने जनाइएको छ ।

कम्पनीले सभामा अध्यक्षको आर्थिक वर्ष २०८०/०८१ को बार्षिक प्रतिवेदन छलफल गरेर पारित गर्ने, उक्त आवको वासलात पारित गर्ने, लेखापरीक्षकको नियुक्त र निजको पारिश्रमिक तोक्ने, सञ्चालकबाट भएका निर्णय अनुमोदन गर्ने प्रस्ताव रहेको छ ।

यस्तै कम्पनीको प्रबन्धपत्र र नियमावली संशोधन गर्ने, कम्पनीको अधिकृत, जारी र चुक्ता पुँजी बढाउने प्रस्ताव छ ।