भाइरल गायक सचिन परियारको निधन

काठमाडौं । सामाजिक सञ्जालमा भाइरल भएका बालक गायकसमेत रहेका सचिन परियारको निधन भएको छ । त्रिवि शिक्षण अस्पतालमा उपचारका क्रममा आज बिहान १० बजे १३ वर्षीय सचिनको निधन भएको हो ।

स्वास्थ्य समस्या आएपछि एक हप्ता अगाडि सचिनलाई अस्पताल भर्ना गरिएको थियो । आईसीयूमा राखेर उपचार गर्दा पनि उनको स्वास्थ्यमा सुधार देखिएको थिएन ।

सचिनका बाबु तेजेन्द्र परियारले उपचारका क्रममा आर्थिक समस्याको सामना गरिरहेका थिए ।

सचिन आफ्नो मिठो बोली र हाउभाउका कारण सामाजिक सञ्जालमा भाइरल भएका थिए । शारीरिक रूपमा कमजोर रहेका उनले पछिल्लो समय सडकमा पैसाको माग गर्दै हिँडिरहेका थिए ।