डेडिकेटेड ट्रंक लाइन विवाद: कुलमानलाई कारबाहीको निर्णयका विषयमा लेखा समितिमा तनाब (भिडियो)

काठमाडौं । डेडिकेटेड ट्रंकलाइनका विषयमा सत्तारुढ कांग्रेस र एमालेबीचनै विवाद भएको छ ।

एमालेका सांसदहरू नेपाल विद्युत प्राधिकरणका प्रबन्ध निर्देशक कुलमान घिसिङलाई कारबाही गर्नु्पर्ने पक्षमा देखिए पनि कांग्रेस सांसदहरु बिपक्षमा उभिएपछि आइतबार सार्वजनिक लेखा समितिको बैठक होहल्ला भएको हो ।

एमाले सांसदहरुले कुलमानलाई कारबाही गर्न पत्राचार गर्नु पर्छ भनिरहँदा कांग्रेस सांसदहरु मध्यमार्गी लाइनमा छन् ।

एमाले सांसदहरु कुलमानलाई कारबाही गर्ने पक्षमा, सांसद केसीले नोट अफ डिसेन्ट लेख्ने

उनीहरु ट्रंक डेडिकेटेड लाइनका विषयमा भएको विवादका विषयमा समितिले थप स्पष्टता गर्नका लागि कुलमानसँग छलफल गर्नु पर्ने बताइरहेका छन् । कारबाहीका लागि अहिले नै आक्रामक हुन नहुने उनीहरुको भनाइ छ ।

माओवादी सांसदहरुले बक्यौता विवादका विषयमा प्राधिकरण प्रवन्ध निर्देशक कुलमान घिसिङमाथि कारबाही गर्न पत्राचार गर्न नहुने बताइरहेको छ ।

विहानबाट सुरु भएको बैठकमा निर्णय गर्नुअघि विवाद भएको हो ।

करिब १ घण्टादेखि सांसदहरुबीच बैठकमा चर्काचर्की परिरहेको छ ।

डेडिकेटेड ट्रंक लाइन बारेका थप समाचारका लागि यहाँ क्लिक गर्नुहोस् ।