माछापुच्छ्रे बैंकको सुनकोशी शाखाको शुभारम्भ

ओखलढुङगा । शाखा विस्तारको क्रममा माछापुच्छ्रे बैंक लिमिटेडले सुनकोशी शाखा कार्यालयको औपचारिक सुरुवात गरेको छ ।

बैंकले पुस १२ गतेदेखि ओखलढुङ्गाको सुनकोशी गाँउपालिका स्थित सुनकोशी शाखा कार्यालयको औपचारिक सुरुवात गरेको छ । उक्त शाखाको उद्घाटन बैंकका नायब प्रमुख कार्यकारी अधिकृत सन्तोष कोइराला, प्रदेश सभाका सांसद मोहन खड्का र सुनकोशी गाउँपालिकाका अध्यक्ष रुद« प्रसाद अधिकारले संयुक्त रुपमा गरेका छन ।

यस अघि सुनकाेशी गाउँपालिकामा  कुनै पनि बैंक तथा वित्तीय संस्थाहरुको उपस्थिति नरहेको बैंकका नायब  प्रमुख कार्यकारी अधिकृत सन्तोष कोइरालाले जानकारी दिए । सुनकोशी शाखा कार्यालयको औपचारिक सुरुवातपछि माछापुच्छ्र्रे बैंक सुनकोशी गाँउपालिकामा उपस्थिति जनाउने पहिलो बैंक बनेको छ । नयाँ शाखा मार्फत बैंकले आफ्ना ग्राहकहरुलाई कर्जा, निक्षेप लगायतका सम्पुर्ण बैकिङ्ग सुबिधा उपलब्ध गराएको छ ।

बैकले देशभर आफ्ना ८९ वटा शाखाहरु र ४६ शाखा रहित बैकिङ्ग सेवा गरी १३५ स्थानवाट ग्राहकहरुलाई सम्पुर्ण बंैकिङ्ग सुबिधा प्रदान गर्दै आएको छ । बंैकका देशभर १०८ वटा एटीएमहरु संचालनमा रहेको छ ।