बैंकबाट दैनिक १ अर्ब रुपैयाँ ऋण लिन्छन् नेपाली

काठमाडौं । तपाईंले बैंकबाट ऋण लिनु भएको छ ? पक्कै पनि तपाईंहरुमध्ये निकै कमले मात्रै बैंकबाट ऋण लिएको हुनुपर्छ ।

किनभने ३ करोड नेपालीमध्ये ९५ प्रतिशतभन्दा बढीले बैंकबाट ऋण लिएका छैनन् ।

तर, ३ करोड नेपालीमध्ये ४० प्रतिशत अर्थात् झन्डै डेढ करोड नेपालीले बैंकमा खाता खोलेर आफूले कमाएको पैसा बैंकमा राख्ने गरेका छन् ।
बैंकहरुले प्रकाशित गरेको वित्तीय विवरणमा उल्लेख भएअनुसार नेपालीहरुले दैनिक १ अर्ब रुपैयाँ ऋण लिने गरेको देखिन्छ ।

गत आर्थिक वर्ष २०७४/०७५ मा बैंकहरुले ३ खर्ब ७६ अर्ब रुपैयाँ ऋण दिएका छन् । जसलाई ३६५ दिनले भाग गरेर औषत निकाल्दा नेपालीहरुले दैनिक १ अर्ब ३ करोड रुपैयाँ ऋण लिएको देखिन्छ ।

बैंकिङ प्रणालीमा लगानी योग्य पुँजी (तरलता) कम नहुँदो हो त यो रकम अझ बढी हुन्थ्यो ।

गत आर्थिक वर्षसम्ममा वाणिज्य बैंकहरुले २१ खर्ब ११ अर्ब रुपैयाँ ऋण प्रवाह गरेका थिए । अघिल्लो आर्थिक वर्षमा भने बैंकहरुले १७ खर्ब ३५ अर्ब रुपैयाँ ऋण प्रवाह गरेका थिए ।

गत आर्थिक वर्षसम्ममा वाणिज्य बैंकहरुले २४ खर्ब ३७ अर्ब रुपैयाँ निक्षेप संकलन गरेका छन् । अघिल्लो आर्थिक वर्षमा २० खर्ब ८७ अर्ब रुपैयाँ निक्षेप संकलन गरेका थिए ।

एक वर्षको अवधिमा बैंकहरुले ३ खर्ब ५० अर्ब रुपैयाँले मात्रै निक्षेप बढाएका छन् । जबकी यो एक वर्षको अवधिमा बैंकहरुले ३ खर्ब ७६ अर्ब रुपैयाँ कर्जा प्रवाह गरेका थिए ।

दैनिक १ अर्ब ३ करोड रुपैयाँ ऋण लिने नेपालीहरुले दैनिक ९६ करोड रुपैयाँ मात्रै बैंकमा जम्मा गर्ने गरेको तथ्यांकले देखाउँछ ।

बैंकहरुले कुन महिना कति निक्षेप संकलन गरे ?

बैंकहरुले कुन महिना कति ऋण दिए ?