कक्रोचका संस्थापक दीपकेले कोसँग मागे माफी ?

एजेन्सी । केन्द्रीय शिक्षा मन्त्रीको पदबाट धर्मेन्द्र प्रधानको राजीनामा पछि दिल्लीस्थित जन्तर-मन्तरमा चलिरहेको धर्ना समाप्त भएको छ । यसपछि कक्रोच जनता पार्टी (सीजेपी) का संस्थापक अभिजीत दीपकेले आइतबार बिहान एउटा भिडियो जारी गरेका छन्।

अभिजीत दीपकेले यस भिडियोमा सीजेपीको नेतृत्वमा भएको आन्दोलनमा सहभागी हुने ती सबै मानिसहरूलाई धन्यवाद दिएका छन्।

अभिजीत दीपकेले भने, ‘तपाईं सबैको समर्थन बिना यो सम्भव थिएन, तर म तपाईं सबैसँग माफी चाहन्छु किनभने म हिजो जन्तर-मन्तरमा बसिरहेका ती मानिसहरूलाई धन्यवाद भन्न पाइनँ।’

उनले अगाडि भने, ‘तपाईंहरूलाई थाहै छ मलाई टाइफाइड भएको छ, हिजो मलाई निकै कडा ज्वरो आएको थियो, त्यसैले म घर आएँ। जो मानिसहरू ३७ दिनसम्म जन्तर-मन्तरमा डटिरहे, म ती सबैलाई धन्यवाद दिन्छु। तपाईंले यस देशका लागि जे गर्नुभयो, म त्यसको सराहना गर्दछु।’

दीपकेले भने, ‘जसले हाम्रो आलोचना गरे, हामीलाई प्रश्न गरे र भने कि तपाईंहरू गम्भीर हुनुहुन्न, तपाईंहरूलाई प्रदर्शन गर्न आउँदैन, म उनीहरूलाई पनि धन्यवाद भन्न चाहन्छु । यदि तपाईंहरूले हामीलाई प्रश्न नगरेको भए हामीलाई सुधार गर्ने मौका मिल्ने थिएन।’

दीपकेले यो केवल सुरुवात मात्र भएको र कक्रोच जनता पार्टीले अझै लामो यात्रा तय गर्न बाँकी रहेको बताए।