इरानमाथि अमेरिकी आक्रमणले सत्ता परिवर्तन भएमा टर्कीले हस्तक्षेप गर्ने

एजेन्सी । ब्लुमबर्ग सञ्चारमाध्यमका अनुसार, अमेरिकाले गरेको आक्रमणले इरानमा शक्ति शून्यता सिर्जना गरेमा टर्कीले इरानी क्षेत्रमा सैन्य घुसपैठ गर्नेबारे सक्रिय रूपमा विचार गरिरहेको छ ।

नेटो सदस्य टर्कीसँग ५६० किलोमिटर लामो सिमाना जोडिएको सार्वभौमसत्ता सम्पन्न राष्ट्र इरानभित्र सीमापार सैन्य कारबाहीका लागि सैन्य योजना बनाइँदैछ ।

टर्की आणविक केन्द्रहरूमा हवाई आक्रमणको तयारी गरिरहेको छैन । हवाई आक्रमणले शक्तिशून्यता सिर्जना गर्दैनन् । हवाई आक्रमणले ५ लाखदेखि १० लाखसम्म शरणार्थीहरूको लहर उत्पन्न गर्दैनन् । सेन्ट्रिफ्यूज हलहरूमा हुने हवाई आक्रमणका लागि छिमेकीले आफ्नो क्षेत्रभित्र बख्तरबन्द गाडीहरू राख्न र बफर जोन (मध्यवर्ती क्षेत्र) को योजना बनाउनु पर्दैन ।

टर्की आक्रमणपछिको अवस्थाका लागि तयारी गरिरहेको छ ।

विश्लेषकहरूले आउन लागेको कारबाहीलाई आणविक केन्द्रहरूमा सीमित आक्रमणको रूपमा परिभाषित गरेका छन् । त्यो आक्रमण सर्जिकल र नियन्त्रित हुनेछ । ७१ डलरको ब्रेन्ट क्रुड र १० डलरको प्रिमियमले त्यही कुरा झल्काउँछ ।

टर्कीले त्यस अवस्थाको लागि योजना बनाइरहेको छैन । टर्कीले राज्यको असफलता (पतन) का लागि योजना बनाउँदैछ । र टर्कीसँग ६५ वर्षको नेटोको गुप्तचर जानकारी आदानप्रदानमा पहुँच छ ।

अंकाराले इरानी क्षेत्रमा प्रवेश गर्नका लागि आकस्मिक योजनाहरू बनाउँदा त्यसको कारण यो हो कि परिचालन ब्रिफिङहरूले कारबाहीको यस्तो दायरा वर्णन गर्छन् जसले क्षेत्रीय घुसपैठलाई वास्तविक परिणाम बनाउँछ ।

टर्कीको २० प्रतिशत प्राकृतिक ग्यास इरानबाट आयात हुने गरेको छ । त्यो वार्षिक १० अर्ब डलरको व्यापार हो । साझा कुर्द जनसंख्याको अस्थिरताले टर्कीको क्षेत्रीय अखण्डतालाई खतरामा पार्छ । यसले अमेरिकी आक्रमणको विरोध गर्ने कारण दिन्छ ।
त्यसको साटो टर्कीले इरानमा घुसपैठ गर्ने योजना बनाइरहेको छ ।

इरानी अस्थिरताबाट सबैभन्दा बढी क्षति हुन सक्ने देशले नै सीमा पार गर्ने तयारी सुरु गर्दा अमेरिकी कारबाहीको दायरा सीमित नरहेको संकेत दिन्छ ।

यो सिरियाली मोडल हो । सन् २०१६ मा अपरेसन युफ्रेट्स शिल्डले सिरियाभित्र बफर जोनहरू बनाएको थियो । त्यही सिद्धान्तलाई अहिले इरानको उत्तरपश्चिमी प्रान्तहरूका लागि अभ्यास गरिँदैछ ।

अमेरिकाले आकाशमा ५०० भन्दा बढी विमान, इजरायलको सुरक्षा प्रणालीलाई बलियो बनाउउन ११ वटा एफ–२२, दुईवटा विमानवाहक युद्धपोत, बंकर ध्वस्त पार्ने बम सहितका बी–२, ४० वटा ट्यांकर तैनाथ गरेको छ ।

समुद्रको कुरा गर्दा बहराइन खाली गरिएको छ । हर्मुज जलसंयोजकको नक्सांकनका लागि पी–८ए र माइन हटाउने जहाजहरू तयारी अवस्थामा छन् ।

स्थल कारबाहीमा उत्तरबाट टर्कीको घुसपैठको योजना छ ।

इरानमा छायाँ सरकार सक्रिय छ । नेतृत्व तितरबितर हुँदैछ । अली लारीजानीले समानान्तर अधिकार उपयोग गरिरहेका छन् ।
यो कुनै आक्रमणको प्याकेज मात्र होइन । यो त क्षेत्रीय पुनर्गठन हो। यसलाई सीमित भन्ने मानिसहरूले टर्कीले केको तयारी गरिरहेको छ भन्ने कुरा पढेका छैनन् ।

छिमेकीले नै तपाईंको पतनको योजना बनाउँदा प्रश्न केही हुन लागेको छ वा छैन भन्ने हैन । प्रश्न यो हो, त्यो संकट आइसकेपछि वार्ता गर्नको लागि केही बाँकी रहनेछ कि छैन ।