आज एकै दिन २० हजार ५ सयले बढ्यो सुनको मूल्य, अहिलेसम्मकै महँगो हुँदा कति पुग्यो?

काठमाडौं । नेपाली बजारमा आज पनि सुनचाँदीको मूल्यले कीर्तिमान कायम गरेको छ ।

नेपाल सुनचाँदी व्यवसायी महासङ्घका अनुसार आज एक तोला छापावाल सुनको मूल्य ३ लाख ३९ हजार ३०० रुपैयाँ तोकिएको छ ।

बुधबार एक तोला छापावाल सुनको मूल्य ३ लाख १८ हजार ८०० मा कारोबार भएको छ । आज एकैदिन सुन तोलामा २० हजार ५ सय रुपैयाँले बढेको हो ।

आज चाँदीको मूल्य ७ हजार ३०० रुपैयाँ तोकिएको महासंघले जनाएको छ ।

अन्तरराष्ट्रिय सञ्चारमाध्यमहरूका अनुसार आज अन्तरराष्ट्रिय बजारमा एक औँस सुन पाँच हजार ५६० र त्यति नै परिमाणको चाँदी १२० अमेरिकी डलरमा कारोबार भइरहेको छ ।