एजेन्सी । चीनको तिब्बतमा उत्पत्ति भएको ल्हेन्दे नदीमा आएको बाढीमा परी १७ जना चिनियाँ बेपत्ता भएका छन् ।
चिनियाँ सरकारी समाचार संस्था सिन्ह्वाले जनाए अनुसार चीनको केरुङ क्षेत्रमा अविरल वर्षापछिको बाढी र पहिरोमा परी १७ जना चिनियाँहरू बेपत्ता भएका हुन् ।
पहिरो स्थानीय समयअनुसार मंगलवार बिहान ५ बजेतिर आएको थियो ।
हराइरहेकामध्ये ११ जना चिनियाँ भूभागमा थिए भने बाँकी ६ जना नेपाली भूमिमा काम गरिरहेका निर्माण मजदुर रहेको सिन्ह्वाले जनाएको छ ।
उक्त बाढीले नेपाल र चीनलाई जोड्ने मितेरी पुललाई पनि बगाएको छ ।
जलवायु परिवर्तनका कारण बाढीपहिरोको समस्या बढ्न थालेको विज्ञहरू बताउँछन् ।
प्रतिक्रिया