काठमाडौं । क्रेष्ट माइक्रो लाइफ इन्स्योरेन्स कम्पनीले साधारण सेयर (आईपीओ) निष्कासन गर्ने भएको छ ।
कम्पनीले पहिलो चरणमा रोजगारीका लागि विदेशमा रहेका नेपालीका लागि माघ १५ गतेदेखि सेयर निष्कासन गर्ने छ ।कम्पनीले प्रतिकित्ता १०० रुपैयाँका दरले २२ लाख ५० हजार कित्ता सेयर निष्कासन गर्न धितोपत्र बोर्डबाट स्विकृती पाएको छ ।
जसमा १० प्रतिशत अर्थात २ लाख २५ हजार कित्ता वैदेशिक रोजगारीमा रहेका नेपालीलाई निष्कासन गर्न लागेको हो । विदेशमा रहेका नेपालीले माघ २९ गतेसम्म आवेदन दिन सक्नेछन् । यसमा न्यूनतम १० देखि अधिकतम १० हजार कित्तासम्म आवेदन दिन सकिने छ ।
यसको बिक्री प्रबन्धकमा एनआइएमबी एस क्यापिटल छ । बिक्री प्रबन्धक रहेको छ । आईपीओमा वैदेशिक रोजगारीमा रहेका नेपालीहरुले मेरो सेयर र सी–आस्वा सदस्य रहेका बैंक तथा वित्तीय संस्थाबाट आवेदन दिन सक्नेछन् ।
रेटिङ एजेन्सी इक्रा नेपालले आईपीओलाई ‘इक्राएनपी इस्युआर डबल बी रेटिङ’ दिएको छ । यसले कम्पनीको दायित्व बहन गर्ने क्षमतामा मध्यमस्तरको जोखिम रहेको जनाउँछ ।
प्रतिक्रिया