एसाखिलको अर्धशतकमा चितवनद्वारा सुदूरपश्चिमलाई १६५ रनको लक्ष्य

काठमाडौं । नेपाल प्रिमियर लिग (एनपीएल) क्रिकेटमा चितवन राइनोजले सुदूरपश्चिम रोयल्सलाई १६५ रनको लक्ष्य दिएको छ । त्रिवि क्रिकेट मैदानमा टस जितेर पहिले ब्याटिङ गरेको चितवनले निर्धारित २० ओभरमा ५ विकेट गुमाएर १६४ रन बनाएको हो ।

चितवनका लागि हसन एसाखिलले ६५ रनको अर्धशतकीय पारी खेले । ५२ बल खेलेका उनले ६ चौका र ३ छक्का प्रहार गरे ।

त्यस्तै रवी बोपराले ३६ रन बनाए ।

सुदूरपश्चिमका लागि स्कोट कुगेलिन्जले दुई विकेट लिए ।
प्रतियोगितामा अपराजित सुदूरपश्चिम आजको खेलमा जित निकाल्दै अपराजित यात्रालाई कायम राख्न चाहन्छ । सुदूरपश्चिम ३ खेलमा ६ अंक जोडेर तालिकाको दोस्रो स्थानमा छ ।

यता चितवन ३ खेलमा दुई जित र एक हारसँगै ४ अंकका साथ तालिकाको तेस्रो स्थानमा छ ।