सेयर बजारमा हरियाली आउँदा परिसूचकले पार गर्यो २५ सय बिन्दु

काठमाडौं । सेयर बजारमा दोहोरो अंकको सुधार आएको छ । बजारमा दोहोरो अंकको सुधार आउँदा बजारले २५ सयको बिन्दु पार गरेको छ ।

बजार मापन गर्ने सूचक ४९.१८ अंकले बढेर परिसूचक २५१९.५७ बिन्दु कायम भएको छ । यो दिन ३२७ कम्पनीको १ करोड २४ लाख ९८ हजार ९८९ कित्ता सेयर ४ अर्ब ८१ करोड ३२ लाख २३ हजार रुपैयाँको सेयर किनबेच भएको छ ।

कारोबारमा सबै समूहको उपसूचकमा हरियाली आएको छ । कारोबारमा ५ वटा कम्पनीको सेयर मूल्यमा सकारात्मक सक्रिट लागेको छ । कारोबारमा २२३ कम्पनीको सेयर मूल्य बढेको छ भने १८ कम्पनीको घटेको छ ।