९० अर्ब भारु ठगेर फरार भएका विजय माल्याका वकिलले अदालतमा मुद्दा लड्न अस्वीकार गरे

एजेन्सी । फरार मदिरा व्यवसायी विजय माल्याको समस्या बढ्दै गएको छ । माल्याका वकिलले उनको मुद्दा लड्न अस्वीकार गरेका छन्। वकिलले सर्वोच्च अदालतलाई विजय माल्याको मुद्दाबाट सफाइ दिन आग्रह गरेका छन्।

वकिलले सर्वोच्च अदालतलाई भने कि किंगफिसरका पूर्वप्रमुख विजय माल्यासँग लामो समयदेखि कुनै कुराकानी नभएको बताए। उनले यस मामिलामा आफ्नो कर्तव्यबाट मुक्त हुन चाहेको पनि बताए ।

एक हप्ताभित्र अदालतमा माल्याको इमेल र आवासीय ठेगाना बुझाउन भनेको छ। अदालतले वकिललाई माल्याको मुद्दाबाट आफ्नो नाम फिर्ता लिने प्रक्रिया शुरु गर्न पनि अनुमति दिएको छ।

पूर्वमदिरा व्यापारीले दायर गरेको याचिकाको सुनुवाईको क्रममा माल्याका वकिलले यो याचिका दायर गरेका थिए। जसमा माल्या र उनका आफन्तको सबै सम्पत्ति जफत रोक्न माग गरिएको थियो।

माल्याले किंगफिसर एयरलाइन्सबाहेक अन्य कुनै पनि सम्पत्ति जफत गर्न नहुने याचिका दायर गरेका थिए।

माल्यामाथि बैंकलाई ९ हजार करोड अर्थात् ९० अर्ब भारतीय रुपैयाँ नतिरेको आरोप छ । अदालतले जुलाई ११ मा विजय माल्यालाई अवहेलना मुद्दामा चार महिनाको जेल सजाय सुनाएको झण्डै चार महिनापछि सुनुवाइ भएको हो।

माल्याको बन्द भएको किंगफिशर एयरलाइन्ससँग जोडिएको ९ हजार करोडको बैंक ऋण चुक्ता गर्ने मुद्दामा माल्या प्राथमिक अभियुक्त हुन्।

गत जुलाई ११ मा भएको सुनुवाईमा सर्वोच्च अदालतले माल्यालाई चार महिनाको जेल सजाय र २ हजार जरिवाना पनि तोकेको थियो । माल्या २०१७ मा अदालतको अवहेलनाको दोषी ठहरिएका थिए। सर्वोच्च अदालतले माल्यालाई चार हप्ताभित्र ८ प्रतिशत ब्याजसहित ४ करोड डलर अर्थात् ३१७ करोड रुपैयाँ फिर्ता गर्न भनेको थियो। यतिमात्र होइन, अदालतले त्यसो नगरे उनीहरुको सम्पत्ति जफत गर्ने पनि जनाएको छ ।

२०१७ मा, एससीले माल्यालाई दुईवटा मुद्दामा अदालतको अवहेलनाको दोषी ठहराएको थियो। पहिले, माल्याले अदालतको आदेशको उल्लङ्घन गर्दै आफ्ना छोराछोरीहरूलाई ४० मिलियन अमेरिकी डलर ट्रान्सफर गरे। दोस्रो, माल्याले कर्नाटक उच्च अदालतले दिएको आदेशको पनि उल्लंघन गरेका थिए।