आज एकैदिन तोलामा १६ सयले बढ्यो सुनको मूल्य, कति पुग्यो ?

काठमाडौं । आइतबार नेपाली बजारमा सुन चाँदीको मूल्यमा वृद्धि भएको छ।

अघिल्लो दिन शुक्रबार प्रतितोला ८ सय रुपैयाँले बढेको सुनको भाउ आइतबार थप १ हजार ६ सय रुपैयाँले बढेको छ ।

नेपाल सुनचाँदी व्यवसायी महासंघका अनुसार, आज छापावाल सुनको मूल्य प्रतितोला १ लाख ५५ हजार ७ सय रुपैयाँ पुगेको छ। शुक्रबार भने यसै सुनको मूल्य प्रतितोला १ लाख ५४ हजार १ सय रुपैयाँ थियो।

त्यसैगरी, आइतबार चाँदीको मूल्य पनि वृद्धि भएको छ । आज चाँदीको मूल्य प्रतितोला १ हजार ८ सय ६० रुपैयाँमा कारोबार भइरहेको छ, जुन अघिल्लो दिनको तुलनामा १५ रुपैयाँले बढी हो। शुक्रबार चाँदी प्रतितोला १ हजार ८ सय ४५ रुपैयाँमा कारोबार भएको थियो ।

अन्तर्राष्ट्रिय बजारमा भने आज सुनको भाउ प्रतिऔंस २ हजार ६ सय ९० अमेरिकी डलर पुगेको छ ।