रोहित पौडेल कप्तानीको लुम्बिनीद्वारा १९२ रनको कीर्तिमानी लक्ष्य, विराटनगरले भेट्ला ?

काठमाडौं । नेपाल प्रिमियर लिग (एनपीएल)मा लुम्बिनी लायन्सले विराटनगर किंग्सविरुद्ध १९२ रनको कीर्तिमानी लक्ष्य प्रस्तुत गरेको छ ।

कीर्तिपुरस्थित त्रिवि क्रिकेट मैदानमा टस हारेर पहिले ब्याटिङ गरेको लुम्बिनीले निर्धारित २० ओभरमा ७ विकेट गुमाएर १९१ रन बनायो ।

लुम्बिनीका लागि कप्तान रोहित कुमार पौडेलले सर्वाधिक ४६ रनको योगदान गरे । त्यस्तै टोम मोरेसले ३० रनको योगदान गरे ।

विराटनगरका लागि सन्दीप लामिछाने, राजेश पुलामी र इस्मात आलमले एक एक विकेट लिए ।

आजको खेलमा जित निकाल्न सके विराटनगरले पहिलो जित दर्ता गर्ने छ । विराटनगर यसअघि दुई खेलमा पराजित छ ।

यता लुम्बिनी आजको खेलमा जित निकाल्दै विजयी सुरुवात गर्ने चाहनामा छ ।