थाई एयर एसिया भैरहवामा अवतरण हुन सकेन

काठमाडौं । मौसम प्रतिकुल बन्दा भैरहवास्थित गौतमबुद्ध अन्तर्राष्ट्रिय विमानस्थलबाट हुने उडान र अवतरण प्रभावित भएको छ ।

बिहीबार हुस्सु लागेकाले आन्तरिक र बाह्य उडान प्रभावित भएको छ । बैंककबाट आएको थाई एयर एसियाको जहाज अवतरण हुन सकेको छैन । थाई एयर एसियाको जहाज कपिलवस्तुमाथिको आकाशमा होल्ड भएको छ ।

हुस्सु कम भएपछि विमान अवतरण हुन लागेको विमानस्थलले जनाएको छ ।