विमानस्थल बन्द हुने भएपछि नेपाल एयरलाइन्सको उडान तालिका परिवर्तन

काठमाडौं । त्रिभुवन अन्तर्राष्ट्रिय विमानस्थल भोली शुक्रबारबाट राती १० बजेदेखि विहान ८ बजेसम्म बन्द हुने भएकोले नेपाल एयरलाइन्सले आफ्नो उडान तालिका परिवर्तन गरेको छ ।

विमानस्थल बन्द हुने भएपछि नेपाल एयरलाइन्सले अन्तर्राष्ट्रिय उडानको तालिका परिवर्तन गरेको सूचना जारी गरेको छ । निगमले जारी गरेको सूचना अनुसार काठमाडौंबाट राति ११ः५० मा हुने जापानको नारिता उडान भोलिबाट राती ९ बजेर १५ मिनेटमै हुने भएको छ । नारिताबाट फर्कदा पनि विहान ११ः २५ मा आइपुग्ने जहाज अब ९ः२५ मै आइपुग्ने भएको छ ।

काठमाडौंबाट दोहा उडान राती ११ बजे हुने उडान अब भोलिबाट साढे ९ मै हुने छ । दोहाबाट काठमाडौं आउने उडान पनि विहान ३ः २५ को उडान अब २ बजे आउने छ ।

काठमाडौंबाट दुबइ उडान अहिले राती ११ः१५ मा हँुदै आएकोमा अब ९ः३५ मै हुने छ भने दुबई काठमाडौं उडान ४ः१० बजे हुँदै आएको उडान भने यथावत नै छ ।