धौलागिरी हिमाल आरोहणमा गएका ५ रुसी आरोहीको शव फेला

काठमाडौं । धौलागिरी हिमाल आरोहणमा गएका ५ जना रुसी आरोहीको मृत्यु भएको छ । पर्यटन विभाग स्रोतकाअनुसार हिमाल आरोहणमा गएका १५ जनामध्ये ५ जनाको शव फेला परेको हो ।

आरोहणका लागि गएकामध्ये दुई जना शनिवार धौलागिरी हिमाल चढेर वेशक्यापमा फर्किए पनि ५ जना भने सम्पर्क विहीन भएका थिए । उनीहरुको रेडियो सेटमा सम्पर्क हुन नसकेपछि खोजी गरिएको थियो । ती आरोही शेर्पाबिना नै हिमाल चढ्न गएका थिए ।

उनीहरु ८ हजार मिटरको उचाइमा आइतबार बेलुकाबाट हराएका थिए । विभाग स्रोतका अनुसार ७ हजार ७ सय मिटर उचाइमा पाँच जनाको शव भेटिएको हो ।