मोरङ-३ मा शर्माको अग्रता कायमै, रेखा थापा तेस्रो स्थानमा

काठमाडौं । आइतबार भएको प्रतिनिधिसभा निर्वाचन पश्चात भइरहेको मतगणनामा मोरङ–३ मा कांग्रेसका उम्मेदवार सुनिल शर्माको अग्रता कायमै रहेको छ ।

उक्त क्षेत्रमा शर्माले हालसम्म १० हजार ७९५ मत प्राप्त गरेका छन् ।

सो क्षेत्रमा अघिल्लो पटक जीत निकालेका नेकपा एमालेका भानुभक्त ढकाल यसपटक भने दोस्रो स्थानमा देखिएका छन् । हालसम्म भएको मतगणनामा उनले ६ हजार ४८८ मत प्राप्त गरेका छन् ।

त्यस्तै, राष्ट्रिय प्रजातन्त्र पार्टी (राप्रपा)की उम्मेदवार रेखा थापा तेस्रो स्थानमा देखिएकी छिन् । हालसम्मको मतगणनामा उनले २ हजार ३५३ मत प्राप्त गरेकी छिन् ।