मुस्लिम समुदाय निर्णायक र महत्वपूर्ण भूमिकामाः विनोद चौधरी

नवलपरासी । नेपाली कांग्रेसका नेता विनोद चौधरीले नेपालको राष्ट्रिय राजनीतिमा मुस्लीम समुदाय निर्णायक र महत्वपूर्ण भूमिकामा रहेको बताएका छन् । नेपाल मुस्लीम संघद्धारा नवलपरासीको जिमिरेभारमा आयोजीत मुस्लीम अगुवा भेलालाई सम्बोधन गर्दै नेता चौधरीले यस्तो बताए ।

पश्चिम नवपरासी निर्वाचन क्षेत्र न.१ मा सत्ता गठवन्धनको तर्फबाट प्रतिनिधिसभा सदस्यमा उम्मेवार रहेका नेपाली कांग्रेसका केन्द्रिय सदस्य चौधरीले मुस्लीम समुदाय नेपालको राष्ट्रिय राजनितिमा निर्णायक र महत्पुर्ण भुमीका निर्वाह गर्न सक्ने समुदाय रहेको जिकिर गरे ।

मुस्लीम समुदाय समेत नेपालको परिपेक्षमा मुल कर्णधार भएको जिकिर गर्दै नेता चौधरीले मुस्लीम समुदायको हक अधिकार सुनिश्चित गर्ने अभियानमा आफ्नो र आफ्नो पार्टीको पुर्णसाथ रहेको विश्वास व्यक्त गरे ।

निर्वाचन केन्द्रीत बिषय बस्तुहरुलाई प्रकाश पादै नेता चौधरीले यस क्षेत्रको बाढी तथा डुवानको समस्या, उखु किसानको समस्या र उत्पादीक केराको बजारीकरण वारे देखिएको समस्या समाधान गर्न समेत आफ्नो मुख्य प्राथमिकता रहने दावी गरे ।

जनताको आय स्तर बृद्धि हुनुपर्नेमा जोड दिँदै नेता चौधरीले समग्ररुपमा मुस्लीम समुदायको शैक्षिकस्तर बृद्धि, विश्वबिद्यालय स्थापना, लगायतका बिषयमा सरकारले प्राथमिकता दिनुपर्ने बताए।