सुनको मूल्य प्रतितोला ३ सय रुपैयाँले घट्यो

काठमाडौं । शुक्रबार सुनको मूल्य प्रतितोला ३ सय रुपैयाँले घटेको छ ।

बिहीबार छापावाला सुनको मूल्य प्रतितोला ९८ हजार रुपैयाँ कायम भएकोमा शुक्रबार ३ सय रुपैयाँले घटेर ९७ हजार ७ सय रुपैयाँ कायम भएको नेपाल सुनचाँदी व्यवसायी महासंघले जनाएको छ ।

त्यसैगरी, बिहीबार तेजावी सुनको मूल्य प्रतितोला ९७ हजार ५ सय रुपैयाँ कायम भएकोमा शुक्रबार ९७ हजार २ सय रुपैयाँ कायम भएको छ । साथै, बिहीबार चाँदीको मूल्य प्रतितोला १२ सय ८० रुपैयाँ कायम भएकोमा शुक्रबार १५ रुपैयाँले घटेर १२ सय ६५ रुपैयाँ कायम भएको छ ।