२२ वटा नाका बन्द गर्न र निर्माण काममा खटिने मजदुरलाई उद्योगभित्रै राख्न सिफारिस

काठमाडौं । कोरोना भाइरसको संक्रमणदर बढेसँगै सीसीएमसीले निषेधाज्ञा थप कडा पार्ने तयारी गरेको छ ।

शुक्रबार बसेको सीसीएमसीको बैठकले भारतसँग जोडिएका २२ वटा नाका पूर्णरुपमा बन्द गरी १३ वटा मात्रै नाका खुला राख्नेसिफारिस गरेको सीसीएमसीका संयोजक तथा उपप्रधानमन्त्री ईश्वर पोख्रेलका प्रेस सल्लाहकार गणेश पाण्डेले जानकारी दिए ।

बैठकले निजी भवन निर्माणका काम बन्द गर्न तथा सार्वजनिक निर्माणमा मजदुर उद्योगभित्रै राखेर सञ्चालन गर्न दिने सिफारिस गरेको उनले जानकारी दिए । अब सार्वजनिक निर्माणका उद्योगहरु चलाउनु पर्ने भए उद्योगभित्रै मजदुर राख्ने व्यवस्था गर्नुपर्ने सिफारिसमा उल्लेख छ ।