७ वटा वाणिज्य बैंकको लाभांश घोषणा, कसको कति ?

काठमाडौं । सञ्चालमा रहेका २७ वटा वाणिज्य बैंकमा अहिलेसम्म ६ वटा बैंकले लगानीकर्तालाई आर्थिक वर्ष २०७६/ ७७ को लाभांश घोषणा गरेको छन् ।

अहिलेसम्म अहिलेसम्म विभिन्न ७ वटा बैंकले लाभांश घोषणा गरिसकेका छन् । चाडबाडको समयमा बैंकहरुले लाभांशको घोषणा गर्दै लगानीकर्तालाई पनि राहत नै महशुस भएको छ ।

विश्वब्यापी रुपमा फैलिएको कोरोना भाइरसको नेपालमा पनि परेको छ । गत आर्थिक वर्षको अन्तिम त्रैमासमा कोरोनाले प्रत्यक्ष असर पारेको थियो । त्यो समयमा बैंकहरुको नाफामा गिरावट आएर लाभांशमा संकुचन आउने हो की भन्ने धेरैमा त्रास थियो । तर हालसम्म बैंकहरुले घोषणा गरेको लाभांश दर निकै आकर्षक देखिएको छ ।

बैंकहरुले न्यूनतम १०.४ देखि २० प्रतिशतसम्म लाभांश घोषणा गरेका छन् । सबैभन्दा बढी एनआईसी एसिया बैंकले २० प्रतिशत लाभांश घोषणा गरेको छ ।

जसमा एनआईसीको १९ प्रतिशत बोनस र १ प्रतिशत नगद रहेको छ । यस्तै माछापुच्छ«ेको ७.०३ बोनस र ३.३७ प्रतिशत नगद रहेको छ । लाभांश घोषणा गरेका अन्य बैंकमा बैंक अफ काठमाण्डूले १३ प्रतिशत बोनस र ३ प्रतिशत नगदसहित १६ प्रतिशत, कुमारी बैंकले १० प्रतिशत र ४ प्रतिशत नगदसहित १४ प्रतिशत लाभांश घोषणा गरिसकेका छन् ।

सानिमा बैंकले १० प्रतिशत बोनस र ३.६ प्रतिशत नगदसहित १३.६ प्रतिशत र सिटिजन्स बैंकले ७.७ प्रतिशत बोनस र ३.३ नगद सहित ११ प्रतिशत लाभांश घोषणा गरेका छन् ।
यस्तै ग्लोबल आइएमई बैंकले १६ प्रतिशत लाभांश घोषणा गरेको छ । जसमा १४ प्रतिशत बोनस सेयर रहेको छ भने २ प्रतिशत नगद लाभांश रहेको छ ।

राष्ट्र बैंकले मौद्रिक नीतिमा कोभिडको कारण बैंक तथा वित्तीय संस्थालाई नगद लाभांशमा कडाई गरेर बोनस सेयर बाड्ने नीति लिएको थियो । कुल लाभांशमा बैंक तथा वित्तीय संस्थाले ३० प्रतिशतसम्म मात्र नगद लाभांश दिन सक्छन् ।