गतवर्षको नाफाबाट २० संस्थाको लाभांश घोषणा, कसको कति ?
काठमाडौं । सञ्चालमा रहेका बैंक तथा वित्तीय संस्था, म्यूचुअल फण्डहरुले आर्थिक वर्ष २०७६/०७७ को लाभांश घोषणा गर्न थालेका छन् ।
अहिलेसम्म २० वटा संस्थाहरुले लाभांश दिने प्रस्ताव गरेका छन् । लाभांश दिन प्रस्ताव गर्नेमा बैंकतर्फ माछापुच्छ्रे मात्रै रहेको छ । लघुवित्त तर्फ ४ वटा रहेका छन भने बाँकी रहेका १५ वटा म्यूचुअल फण्ड रहेका छन् ।
लाभांश घोषणमा पहिलो बनेको माछापुच्छ्रे बैंकले १०.४ प्रतिशत लाभांश दिने प्रस्ताव गरेको छ । जसमा नगद ३.३७ र बोनस सेयर ७.०३ प्रतिशत रहेको छ । बैंकहरुको भन्दा लाभांश धेरैमाइक्रो फाइनान्स रहेको छ । लाभांश घोषणा गरेका आशा, आरएमडिसी, फस्ट माइक्रोफाइनान्स र समता माइक्रोफाइनान्स रहेका छन् । यसमा सबैभन्दा बढी समताले २६.३२ प्रतिशत लाभांश दिने भएको छ । समताले २० प्रतिशत बोनस र ६.३२ प्रतिशत नगदसहित २६.३२ प्रतिशत लाभांश दिने भएको छ ।
यस्तै आशाले १५ प्रतिशत बोनस र ०.७९ प्रतिशत नगद, आरएमडिसिले बोनस १५ र नगद ५ प्रतिशत, फस्ट फाइक्रोफाइनान्सले बोनस २० र नगद ६.३२ प्रतिशत दिने प्रस्ताव गरेको छ ।
यो प्रस्ताव नेपाल राष्ट्र बैंकको स्वीकृति र संस्थाको आगामी साधारण सभाले पारित गरेपछि लगानीकर्ताले पाउनेछन् ।
यस्तै लाभांश घोषणा गरेका १५ वटा म्यूचुअल फण्डमा सबैभन्दा बढी लाभांश दिनेमा सिटिजन्स म्यूचुअल फण्ड १ रहेको छ । फण्डले १५ प्रतिशत नगद दिने भएको छ । १० प्रतिशत भन्दा बढी नगद लाभंश दिने म्यूचुअल फण्डमा सिटिजन्स म्यूचुअल फण्ड १, सिटिजन्स म्यूचुअल फण्ड २, एनआईसी एसिया ग्रोथ फण्ड र एनआईबीएल सम्बृद्धि फण्ड १ रहेका छन् । फण्ड १ ले १५ र २ ले १० प्रतिशत तथा एनआईसी एसिया ग्रोथले १२ र एनआईबीएलले पनि १२ प्रतिशत लाभांश दिने भएका छन् । सबैभन्दा कम ग्लोबल आईएमई समुन्नत स्किम १ को ४ प्रतिशत मात्रै रहेको छ ।
| Company Name | Cash | Bonus | Total |
| NIC Asia Balanced Fund | 8 | 8 | |
| NIC Asia Growth Fund | 12 | 12 | |
| Siddhartha Investment Growth Scheme – 2 | 5 | 5 | |
| Siddhartha Equity Fund | 7.5 | 7.5 | |
| NIBL Samriddhi Fund 1 | 12 | 12 | |
| NIBL Sahabhagita Fund | 8.25 | 8.25 | |
| NMB 50 | 5 | 5 | |
| NMB Hybrid Fund L-1 | 8 | 8 | |
| CITIZENS MUTUAL FUND 2 | 10 | 10 | |
| Citizens Mutual Fund -1 | 15 | 15 | |
| Sunrise First Mutual Fund | 7 | 7 | |
| Global IME Samunnat Scheme-1 | 4 | 4 | |
| Laxmi Equity Fund | 4.25 | 4.25 | |
| NABIL BALANCED FUND-2 | 9 | 9 | |
| Nabil Equity Fund | 6 | 6 | |
| Machhapuchhre Bank Limited | 3.37 | 7.03 | 10.4 |
| Asha Laghubitta Bittiya Sanstha Ltd | 0.79 | 15 | 15.79 |
| RMDC Laghubitta Bittiya Sanstha Ltd. | 5 | 15 | 20 |
| First Micro Finance Development Bank Ltd. | 4.18 | 9.5 | 13.68 |
| Samata Microfinance Bittiya Sanstha Ltd. | 6.32 | 20 | 26.32 |
क्लिकमान्डु
