काठमाडौं । स्पेनले विश्वकपको उपाधि जितेको छ । विश्वकप विजेता र सहभागी देशहरूले रकम हात पार्दा विश्वकप नखेलेकाहरूले पनि राम्रो कमाइ गरेका छन् ।
पूर्व इंग्ल्याण्ड स्टार सर डेभिड बेकह्यामले सबैभन्दा धेरै आर्जन गरेका छन् । हरेक विज्ञापन विश्राममा देखिएर र उपस्थितिबाट १९ मिलियन पाउन्ड (करिब ३ अर्ब ८३ करोड ५२ लाख नेपाली रुपैयाँ) कमाएर सर डेभिड बेकह्याम नै वास्तविक विजेता बनेका छन् ।
५१ वर्षीय पूर्व इङ्गल्याण्डका कप्तानले यस प्रतियोगिताका धेरै अतिरिक्त विज्ञापन विश्रामहरूमा ‘बैंक अफ अमेरिका’ देखि ‘लेज’ क्रिस्पसम्मका सबै कुराको प्रचार गरे ।
इन्टर मियामी फुटबल क्लबका सहमालिक रहेका बेकह्यामकी श्रीमती भिक्टोरियासँगको कुल सम्पत्ति १.१८५ बिलियन पाउन्ड (करिब २ खर्ब ३९ अर्ब रुपैयाँ) छ । उनले अमेरिकी डीआईवाई जायन्ट ‘होम डिपो’, ‘म्याकडोनाल्ड्स’, ‘स्टेला आर्टोइस’ बियर र खेलकुद ब्रान्ड ‘एडिडास’ को विज्ञापनमा पनि अभिनय गरेका छन् ।
बजार विश्लेषकहरूले अनुमान गरे अनुसार बेकह्याम दम्पतीले प्रतियोगिताको दौडान विज्ञापनहरूबाट १९ मिलियन पाउन्ड (३ अर्ब ८३ करोड ५२ लाख रुपैयाँ) संकलन गरेका छन् ।
ब्रान्ड र संस्कृति विशेषज्ञ निक एड विश्वकप संसारकै सबैभन्दा ठूलो खेलकुद प्रतियोगिता मात्र नभइ, यो विश्वको सबैभन्दा ठूलो विज्ञापन अवसरहरू मध्ये एक भएको बताउँछन् ।
निक भन्छन्, ‘व्यापारिक विश्रामहरूमा तुरुन्तै ध्यान आकर्षित गर्न सक्ने सेलिब्रेटीहरूलाई सुरक्षित गर्न ब्रान्डहरू करोडौं खर्च गर्न इच्छुक हुन्छन् किनभने उनीहरूलाई थाहा छ कि उनीहरू अर्बौं दर्शकहरूसम्म पुगिरहेका छन् । धेरै स्टारहरूका लागि, यस वर्षको विश्वकप अभियानहरूमा देखिनु कुनै ब्लकबस्टर फिल्ममा अभिनय गर्नु वा हिट एल्बम रिलिज गर्नु जत्तिकै मूल्यवान हुन सक्छ किनभने यसको पहुँच साच्चै विश्वव्यापी छ ।’
विश्वकपमा अन्य सेलिब्रेटीहरूको अनुमानित कमाइ-
ब्रुक्लिन बेकह्याम
अनुमानित कमाई: १५ करोड २० लाख रुपैयाँ (१ मिलियन डलर)
‘पेज सिक्सका अनुसार, ब्रुक्लिनले विश्वकपको ‘डोरड्याश’ विज्ञापनमा अभिनय गरेर १० लाख डलर कमाएका छन् ।
सोफामा बसेर उनले आफ्नो स्टेडियम म्याचको टिकट फाल्दै क्यामेरालाई भने, ‘तपाईं सायद सोच्दै हुनुहुन्छ कि म किन घरबाट हेर्दै छु… यो एउटा लामो कथा हो,’ त्यसपछि स्क्रिनमा ‘यो जटिल छ’ (इट्स कम्प्लिकेटेड ) भन्ने लेखियो । यो उनका परिवारसँगको चलिरहेको मनमुटावमा गरिएको स्पष्ट र सार्वजनिक कटाक्ष थियो जसले उनीहरूलाई आक्रोशित बनाएको बताइएको छ ।’
यद्यपि उनको अक्सर आलोचना गरिन्छ, तर विश्वव्यापी ब्रान्डहरू अझै पनि उनको थर, सामाजिक सञ्जालको पहुँच र अन्तर्राष्ट्रिय पहिचानले अर्बौंले हेर्ने कार्यक्रममा ठूलो बजार मूल्य राख्छ भन्ने विश्वास गर्छन् ।
‘यो विज्ञापन र उनीमाथि परेको अतिरिक्त ध्यानले उनको ब्रान्ड र मूल्यलाई अझ उचाइमा पुर्याएको छ।’
शाकिरा
अनुमानित कमाइ: ३ अर्ब २ करोड ७८ लाख रुपैयाँ (१५ मिलियन पाउण्ड)
विश्वकपबाट शाकिराले ठूलो रकम कमाएको अनुमान गरिएको छ। प्रतियोगिता र उनका धेरै उपस्थितिहरूले विश्वव्यापी संगीत स्ट्रिमिङमा भारी वृद्धि ल्याएको छ ।
गायिका र फुटबल एकअर्कासँग अभिन्न रूपमा जोडिएका छन्, त्यसैले हरेक प्रतियोगिताले उनको संगीत र ब्रान्डमा नयाँ चासो जगाउँछ ।
कार्यक्रमको उद्घाटन र समापनमा उनको प्रस्तुतिले उनलाई विश्वकै ठूला स्टारहरू मध्ये एकको रूपमा स्थापित गर्यो ।
समापन समारोहमा उनले बर्ना बोयसँग ‘दाइ दाइ’ गीत प्रस्तुत गरिन् । यो चौथो विश्वकप थियो जसमा उनले प्रस्तुति दिएकी हुन्।
जस्टिन बिबर
अनुमानित कमाई: २ अर्ब ४२ करोड १३ लाख रुपैयाँ (१२ मिलियन पाउण्ड)
विश्वकपले बिबरलाई संगीत प्रशंसकहरू भन्दा धेरै टाढाको दर्शक समूहसम्म पहुँच प्रदान गर्दछ ।
विश्वको सबैभन्दा ठूलो खेलकुद प्रतियोगितासँग जोडिनुले उनको विश्वव्यापी सुपरस्टारको स्थितिलाई अझ बलियो बनाउँछ र ब्रान्डहरूलाई युवा उपभोक्तासम्म पुग्न मद्दत गर्छ ।
उनले प्रतियोगिताको अन्त्यमा एक धार्मिक गीत गाउन रोजे, जसले धेरै धार्मिक रहेका अमेरिकी दर्शकहरूलाई विशेष आकर्षित गर्यो ।
टिमथी शालामे
अनुमानित कमाई: २ अर्ब ४२ करोड १३ लाख रुपैयाँ (१२ मिलियन पाउण्ड)
विश्वकपको दौरान एडिडाससँग मिलेर काम गर्दै शालामेले फेसन, फिल्म र फुटबलको संसारलाई जोड्ने काम गरेका छन् ।
यो साझेदारीले खेलकुद प्रशंसकहरू माझ उनको चर्चा बढाएको छ भने एडिडासलाई एक विलासी फेसनको छवि दिएको छ ।
र उनकी चर्चित प्रेमिका काइली जेनरसँगको उपस्थितिले उनलाई ब्रान्डहरूका लागि अझ बढी मूल्यवान बनाएको छ ।
सुसान बोयल
अनुमानित कमाई: १० करोड ९ लाख रुपैयाँ (५ लाख पाउण्ड)
सुसान बोयलले प्रसिद्ध स्कटिश सफ्ट ड्रिंक ‘इर्न-ब्रु’ को लागि एक ठट्टापूर्ण विज्ञापन अभियानमा अभिनय गरेर शुद्ध हास्य र पुरानो यादहरू प्रदान गरिन् ।
‘मेड इन स्कटल्याण्ड फ्रम गर्डर्स’ अभियानले प्रमाणित गर्यो कि कहिलेकाहीँ व्यक्तित्व ग्ल्यामर जत्तिकै शक्तिशाली हुन्छ ।
विश्वकपले उनलाई ठूलो अन्तर्राष्ट्रिय दर्शक दियो भने इर्न-ब्रुले हास्यका कारण मानिसको मनमा बस्न सफल अभियान पायो।
किम कार्दशियन
अनुमानित कमाई: १ अर्ब ६१ करोड ४२ लाख रुपैयाँ (८ मिलियन पाउण्ड)
किमले रियालिटी टिभी र मुख्यधाराको खेलकुद बीचको रेखालाई मेटाइन् । सामान्यतया फेसन फलो नगर्ने अर्बौं खेलकुद दर्शकहरू माझ उनले विश्वकपका प्रमुख विज्ञापन स्लटहरूमा आफ्नो अर्बौं डलरको ब्रान्ड राखिन् ।
यो उनको पहुँच विस्तार गर्ने र आफूलाई विश्वको सबैभन्दा मूल्यवान व्यावसायिक व्यक्तित्वको रूपमा स्थापित गर्ने एक चतुर तरिका हो।
लिसा
अनुमानित कमाई: १ अर्ब ८१ करोड ६४ लाख रुपैयाँ (९ मिलियन पाउण्ड)
लिसा र उनको ब्यान्ड ‘ब्ल्याकपिङ्क’ ले प्रमुख विश्वव्यापी प्रायोजकहरूसँग महँगो सम्झौता गरेर र प्रस्तुति दिएर आफ्ना कट्टर संगीत प्रशंसकहरूलाई सिधै फुटबल प्रतियोगितामा भित्र्याएका छन्।
विश्वकपले लिसाको पहिले नै रहेको विशाल विश्वव्यापी आकर्षणलाई अझ बढाउँछ र उनलाई मुख्यधाराको खेलकुद दर्शकहरूसँग चिनाउँछ।
म्याडोना
अनुमानित कमाई: ८० करोड ७१ लाख रुपैयाँ (४ मिलियन पाउण्ड)
म्याडोनाका लागि विश्वकपको हाफ-टाइममा प्रस्तुति दिनु भनेको आफ्नो सान्दर्भिकता कायम राख्नु हो।”
विश्वको सबैभन्दा ठूलो खेलकुद प्रतियोगितासँग आफूलाई जोडेर उनले सांस्कृतिक चर्चामा आफूलाई जीवित राखिन् र ब्रान्डहरूलाई यो सम्झना दिलाइन् कि प्रतिष्ठित नामहरूको अझै पनि ठूलो व्यावसायिक शक्ति छ।
६७ वर्षको उमेरमा विश्वव्यापी रूपमा नयाँ नम्बर १ एल्बमको साथमा, उनले पूर्ण रूपमा नयाँ फ्यान आधार बनाइरहेकी छिन्।
प्रतिक्रिया