प्रत्यक्षमा एमालेमुक्त भएको रसुवामा समानुपातिकमा भने एमाले पहिलो, कांग्रेस दोस्रो

काठमाडौं । रसुवा मात्रै यस्तो जिल्ला हो, जहाँको प्रतिनिधिसभा र प्रदेशसभाको प्रत्यक्षतर्फको निर्वाचनमा एमाले निल भएको थियो । प्रत्यक्षतर्फमा यसरी एमालेमुक्त भएको रसुवामा समानुपातिक तर्फ भने एमाले पहिलो पार्टी बनेको छ ।

निर्वाचन आयोगका अनुसार प्रतिनिधिसभा र प्रदेशसभा दुबैतर्फको समानुपातिकमा एमाले पहिलो छ ।

प्रतिनिधिसमातर्फ ७८२२ मत ल्याउँदै एमाले पहिलो बनेको हो । प्रत्यक्षतर्फको प्रतिनिधिसभामा जितेको कांग्रेस भने समानुपातिकतर्फ दोस्रो स्थानमा मात्रै छ ।

कांग्रेसले प्रतिनिधिसभाको समानुपातिकतर्फ ६५९७ मत ल्याएको छ । प्रत्यक्षमा भने कांग्रेसका मोहन आार्यले चुनाब जितेका थिए ।

रसुवामा नयाँ शक्ति नेपाल पार्टी समानुपातिकतर्फ तेस्रो स्थानमा छ भने माओवादी केन्द्र चौथो स्थानमा छ । नयााँ शक्तिले ५ ४९१ र माओवादी १८२३, विवेकशील साझा पार्टीले ३४१, राप्रपाले २७३ मत पाएका छन् ।