काठमाडौं । काठमाडौंमा बुधबार टन्टलापुर घाम लागेको भएपनि काठमाडौं विमानस्थलबाट बाहिरिएर तराई क्षेत्रका विमानस्थलमा जाने अधिकांश उडान भने हुन सकेन् ।
तराई क्षेत्रका विमानस्थलमा विहानैदेखि लागेको बाक्लो हुस्सुका कारण हवाई उडान तथा अवतरण गर्न पुग्ने भिजिबिलिटी नपुगेको कारण सिमरा, नेपालगन्ज, धनगढी, नेपालगन्ज, विराटनगरसहितका विमानस्थलको उडान रद्द भएका छन् ।
बुधबारका लागि तय भएका मध्ये अधिकांश उडान हुन नसकेका कारण काठमाडौं विमानस्थलमा घाम लागेको देखिएपनि बाहिरिएका विमानस्थलको मौसम बिग्रेका कारण उडान नै रद्द गर्नुपरेको बुध्द एयरले जानकारी दिएको छ ।
बुध्द एयरको मात्रै बुधबार धनगढीको २, सिमराको ४, नेपालगन्जको ४, विराटनगर ५ वटा र जनकपुरको ४ वटा उडान रद्द भएका छन् । मौसमले साथ नदिँदा हुन सकेको यस्तो उडान अन्य वायुसेवाको पनि रद्द भएका छन् ।
प्रतिक्रिया