लुम्बिनी लायन्सले दियो समर्थकलाई धन्यवाद, अर्को वर्ष बलियो पुनरागमन गर्ने प्रतिबद्धता

काठमाडौं । नेपाल प्रिमियर लिग (एनपीएल)को टोली लुम्बिनी लायन्सले आफ्ना समर्थकहरुलाई धन्यवाद ब्यक्त गरेको छ ।
शुक्रबार एक विज्ञप्ति जारी गर्दै क्लबले आगामी वर्ष बलियो पुनारागमन गर्ने प्रतिबद्धता गर्दै सम्पूर्ण समर्थकालाई धन्यवाद ज्ञापान गरकोको हो ।

लुम्बिनी लायन्सले यो सिजन प्रतियोगितामा लिग चरणका ७ खेलमध्य ६ खेलमा जित निकालेको थियो । लुम्बिनीले एक मात्र जित निकाल्दा चितवन राइनोजलाई ३३ रनले पराजित गरेको थियो ।

नेपाली राष्ट्रिय टोलीका कप्तान रोहित कुमार पौडेल कप्तान भएको टोलीले यो सिजन सोचे अनुसार प्रदर्शन गर्न सकेन । ए क्याटेगोरीका तीन खेलाडी रहेको टोलीले अर्काे वर्ष भने उत्कृष्ट पुनरागमन गर्ने बताएको छ ।

लुम्बिनी लायन्सका अध्यक्ष ईश्वर जीसीले भने, ‘सिजन चुनौतीपूर्ण भए पनि हाम्रो लागि सिकाइ र दृढताको यात्रा बन्यो। प्रत्येक बाधाले हामीलाई अझ बलियो बन्ने अवसर दिएको छ। लुम्बिनी प्रदेश र नेपालभरिका लाखौं समर्थकहरूको अटल विश्वास र माया हाम्रो प्रेरणाको मूल आधार हो। लुम्बिनी लायन्स फेरि बलियो र तयार भएर मैदानमा फर्कने ।’

लुम्बिनी लायन्स यो वर्ष सर्वाधिक मूल्यमा बिक्री हुने चौथो टोलीको रुपमा रहेको छ ।