नवलपुरमा थपिए दुई सय उद्योग

नवलपरासी । नवलपरासीमा गत आर्थिक वर्ष २०८०/८१ मा दुई सय ६ उद्योग थपिएका छन् ।

जिल्लामा पाँच सय ६८ उद्योगको नवीकरण गरिएको छ । पर्यटन तथा उद्योग कार्यालय नवलपुर, नवलपरासी ९बर्दघाट–सुस्तापूर्व०का कार्यालय प्रमुख प्रभाकर घिमिरेले नवलपुरमा वन तथा पर्यटन उद्योगसँग सम्बन्धित उद्योग थपिने क्रम बढ्दो रहेको बताए।

गत् आवमा जिल्लामा एक सय ४८ उद्योगले लगत कट्टा गरेका थिए । हाल जिल्लामा ६ हजार ६ सय ९१ उद्योग कायम रहेका उनले जानकारी दिए ।

गत आवमा उद्योग दर्ता तथा नवीकरणबाट कार्यालयले १९ लाख ८३ हजार रुपैयाँ राजस्व सङ्कलन गरेको प्रमुख घिमिरेले बताए ।

यसैगरी आव २०८०÷८१ मा जिल्लामा वाणिज्यतर्फ दुई सय ९८ व्यवसाय दर्ता भएका छन् । सो अवधिमा आठ सय ९९ व्यवसायीले व्यवसाय नवीकरण गर्दा दुई सय ६ व्यवसायको लगत कट्टा गरिएको छ । जिल्लामा गत आवसम्म आठ हजार पाँच सय सात व्यवसाय कायम रहेको उनले बताए ।

जिल्लामा वाणिज्यसम्बन्धी दर्ता र नवीकरणबाट २४ लाख ३२ हजार रुपैयाँ राजस्व सङ्कलन गरिएको प्रमुख घिमिरेले बताए । हाल १५ हजार एक सय ९८ उद्योग तथा वाणिज्य व्यवसाय सञ्चालन छन् ।

गत आवमा उद्योग तथा वाणिज्य व्यवसायसम्बन्धी दर्ता तथा नवीकरणको कामबाट ४४ लाख १६ हजार रुपैयाँ राजस्व सङ्कलन गरेको कार्यालयले जनाएको छ ।