एजेन्सी । स्कोडा इन्डियाले स्लाभिया मोन्टे कार्लो एडिसनमा दुई नयाँ लिमिटेड–रन (सीमित संख्यामा उपलब्ध हुने) रंगका विकल्पहरू प्रस्तुत गरेको छ ।
यी नयाँ विकल्पहरू सेडानका २०० युनिटहरूमा मात्र उपलब्ध हुनेछन् । यो अपडेट यस मोडेलको मूल्यमा कुनै परिवर्तन नगरी ल्याइएको हो र यसको मूल्य दायरा साबिक बमोजिम १६.६९ लाख भारु (एक्स–शोरुम) बाट सुरु भएर १८.१९ लाख भारु (एक्स–शोरुम) सम्म कायम रहेको छ ।
विवरणहरूमा अझ गहिराइमा जाँदा स्कोडा स्लाभिया मोन्टे कार्लो एडिसनले कारको मानक (स्ट्यान्डर्ड) संस्करणकै स्टाइलिङलाई पछ्याएको छ । यसले मोन्टे कार्लो एडिसनको ब्याजलाई निरन्तरता दिएको छ ।
नयाँ विशेष रंगहरू यस ब्रान्डको ¥याली मोन्टे कार्लो विरासतबाट प्रेरित छन् । यी रंगहरूको उद्देश्य कारलाई थप बलियो भिजुअल उपस्थिति प्रदान गर्नु हो । यी नयाँ रंगहरूलाई सिमला ग्रीन र स्टिल ग्रे ड्युअल–टोन फिनिस भनिन्छ ।
यो पेन्ट स्किमलाई बाहिरी भागमा प्रयोग गरिएका ब्ल्याक्ड–आउट डिजाइनका संकेतहरू, सिग्नेचर मोन्टे कार्लो स्टाइलिङ तत्त्वहरू, प्रिमियम कालो र रातो इन्टेरियर थिम र सुविधायुक्त क्याबिनले पूर्णता दिएका छन् । यसमा सार्क–फिन एन्टेना, बम्पर गार्निस, ट्रंक स्पोइलर र बडीमा प्रयोग गरिएका ब्ल्याक्ड–आउट तत्त्वहरू जस्ता विशेषताहरू कायमै रहेका छन् ।
यसैबीच सेडानको क्याबिनले कालो र रातो रंगको समायोजनका साथ स्पोर्टी अनुभव प्रदान गरिरहन्छ । सुविधाहरूको सूचीमा वायरलेस एन्ड्रोइड अटो र एप्पल कारप्ले सहितको १० इन्चको टचस्क्रिन इन्फोटेनमेन्ट सिस्टम, ८ इन्चको डिजिटल इन्स्ट्रुमेन्ट क्लस्टर र अन्य विशेषताहरू समावेश छन् ।
स्कोडा स्लाभियामा पहिलेकै १.०–लिटर टीएसआई इन्जिन (६–स्पीड टर्क कन्भर्टर अटोमेटिक ट्रान्समिसन सहित) वा १.५–लिटर टीएसआई इन्जिन (७–स्पीड डीएसजी सहित) जडान गरिएको छ ।
१.० टीएसआई तीन–सिलिन्डर टर्बोचार्ज्ड पेट्रोल इन्जिन हो जसले ११५ हर्सपावर र १७८ एनएम टर्क उत्पादन गर्छ जबकि ठूलो १.५ टीएसआई चार–सिलिन्डर टर्बोचार्ज्ड पेट्रोल इन्जिनले १५० पीएस पावर र २५० एनएम टर्क उत्पादन गर्छ ।
प्रतिक्रिया