रवि लामिछानेविरुद्ध संसदमा उजुरी

काठमाडौं । प्रतिनिधि सभा सदस्य समेत रहेका राष्ट्रिय स्वतन्त्र पार्टी (रास्वपा)का सभापति रवि लामिछानेविरुद्ध संघीय संसद्‍मा उजुरी परेको छ ।

अधिवक्ता युवराज सफलले मंगलबार संघीय संसद्‍को राज्य व्यवस्था तथा सुशासन समिति र सभामुख देवराज घिमिरेसमक्ष उजुरी दिएका हुन् ।

सहकारीको रकम हिनामिनाका सम्बन्धमा आएका समाचारका साथै लामिछानेको खातामा गोरखा मिडिया नेटवर्कबाट १ करोड ८० लाख भएको तथा सेयर खरिद बिक्रीको कागजसमेत भएको सार्वजनिक भएकाले छानबिन गर्न उनले माग गरेका छन् ।