खाना पकाउने ग्यासको मूल्यमा २३५ रुपैयाँ वृद्धि, डिजेल र पेट्रोलको पनि मूल्य बढ्यो
![](https://clickmandu.com/wp-content/uploads/2017/06/gas.jpg)
काठमाडौं । नेपाल आयल निगमले खाना पकाउने एलपी ग्यासको मूल्यमा भारी वृद्धि गरेको छ । इन्डियन आयल कर्पोरेसनले पठाएको नयाँ मूल्यसूचीअनुसार निगमले राति १ बजेदेखि लागू हुनेगरी ग्यासको मूल्य प्रतिसिलिन्डर २३५ रुपैयाँ बढाएको हो ।
पेट्रोलको मूल्यमा प्रतिलिटर ४ रुपैयाँ तथा डिजेल र मट्टितेलको मूल्य प्रतिलिटर ३-३ रुपैयाँ बढेको छ । भारतले बिहीबार पेट्रोलियम पदार्थको नयाँ मूल्यसूची पठाएको थियो । जसअनुसार पेट्रोल प्रतिलिटर ३.१७ रुपैयाँ, डिजेल प्रतिलिटर २.४८ रुपैयाँ तथा एलपी ग्यासको मूल्य १८६.४५ रुपैयाँ बढेर आएको थियो ।
नयाँ मूल्यसूचीअनुसार मूल्य समायोजना गरिएको निगमले जनाएको छ । ग्यासको मूल्य १६६० रुपैयाँबाट बढेर १८९५ रुपैयाँ पुगेको छ ।
![](https://clickmandu.com/wp-content/uploads/2023/08/Mulyasuchi-519x768.jpg)