काठमाडौं । लक्ष्मी ई-मोबिलिटी प्रालि र जीओ अटोमोबाइल प्रालिले नयाँ वर्ष २०८३ को अवसरमा केयी एक्सचेन्ज क्याम्पको घोषणा गरेका छन् ।
ग्राहकलाई सहज र उत्कृष्ट मूल्यमा आफ्नो सवारी अपग्रेड गर्ने सुविधान प्रदान गर्नका लागि कार्यक्रम आयोजना गरिएको कम्पनीले जनाएको छ।
एक्सचेन्ज कार्निभल देशभर रहेका केयी गाडीको शोरुममा चैत २७ गतेदेखि २९ गतेसम्म गर्न लागिएको हो । यसमा आफ्ना पुराना सवारीसाधन साटेर केयी मोडलका नयाँ गाडीहरू खरिद गर्न सकिनेछ ।
काठमाडौंमा भने थापाथलीमा रहेको केयी शोरुम नजिकै बिहान १० बजेदेखि साँझ ६ बजेसम्म कार्यक्रम सञ्चालन हुने बताइएको छ । यहाँ गाडी साटफेरबाहेक लाइभ फुडस्टल, मनोरञ्जनात्मक गतिविधिहरू समेत सञ्चालन हुनेछन् ।
यो योजनाअन्तर्गत ग्राहकले नयाँ वर्ष विशेष नगद फाइदा, आकर्षक एक्सचेन्ज बोनस, उत्कृष्ट सवारी मूल्यांकन, फाइनान्सिङ सुविधा, अटो बीमा, ७ किलोवाटको चार्ज सुविधा र प्रत्येक बुकिङमा जोडीका लागि दुसित थानी धुलिखेलमा एक रातको नि:शुल्क प्याकेज राखिएको छ ।
प्रतिक्रिया