काठमाडौं । गोरखा सेभिङ एन्ड क्रेडिट कोअपरेटिभ लिमिटेडका अध्यक्ष मानसिंह राई सहित ४ जना पक्राउ परेका छन् । समस्याग्रस्त घोषण भएको सहकारीका तत्कालीन अध्यक्ष राईसहित अन्य ३ जना सञ्चालकलाई सहकारी बचत रकम अपचलन गरेको आरोपमा पक्राउ जिल्ला प्रहरी परिसर ललितपुरका एसएसपी होबिन्द्र बोगटीले पुष्टि गरे।
३ हजार १०० भन्दा बढी बचतकर्ताको करिब ४ अर्ब रुपैयाँ अपचलन गरेको जाहेरीका आधारमा उनीहरुलाई पक्राउ गरेको उनले बताए ।
सहकारीका अध्यक्ष मानसिंह राई, प्रमुख कार्यकारी अधिकृत लालबहादुर क्षेत्री, सञ्चालकहरु कर्णबहादुर राई र अनलिकुमार राइ पक्राउ परेका हुन् । गोरखा सेभिङ एण्ड क्रेडिट को अपरेटिभको ३ हजार १०२ जना बचतकर्ताको ३ अर्ब ८९ करोड ७२ लाख ६७ हजारभन्दा बढी रकम अपचलन भएको जाहेरी परेको उनले बताए ।
सरकारले सहकारीलाई समस्याग्रस्त घोषणा गरी सम्पत्ति तथा दायित्त्व फर्स्यौटको लागि समस्याग्रस्त सहकारी व्यवस्थापन समितिमा पठाएको छ । सरकारले २०८१ असार ६ गते सरकारले समस्याग्रस्त घोषणा गरेको थियो । समितिमा २५९४ मा बचकर्ताले ३ अर्ब २३ करोड ४८ लाख ४५ हजार रुपैयाँ मागदाबी परेको छ ।
प्रतिक्रिया