डडेल्धुरा । प्रतिनिधिसभा निर्वाचनअन्तर्गत डडेल्धुरामा जारी मतगणनामा राष्ट्रिय स्वतन्त्र पार्टी (घण्टी) का उम्मेदवार डा. ताराप्रसाद जोशीको अग्रता कायमै रहेको छ ।
पछिल्लो मतपरिणामअनुसार हालसम्म ८ हजार ७५९ मत गणना भएको छ । यो मत परशुराम नगरपालिका वडा नम्बर १, २, ५, ७, ८, ९, १० र ११ तथा १२ काे मतगणनाबाट आएको हो ।
गणनाअनुसार डा. ताराप्रसाद जोशीले ३ हजार ४०७ मत प्राप्त गरेका छन् ।
उनलाई पछ्याउँदै नेपाली कांग्रेसका उम्मेदवार नैनसिंह महरले २ हजार ३९ मत प्राप्त गरेका छन् ।
त्यस्तै राष्ट्रिय स्वतन्त्र पार्टी (तारा) का मानसिंह मालले १ हजार ६४९ मत ल्याएका छन् भने नेकपा एमालेका चक्रप्रसाद स्नेहीले ९४७ मत प्राप्त गरेका छन् ।
यसैगरी ४९६ मत बदर भएको निर्वाचन अधिकृतको कार्यालयले जनाएको छ ।
डडेल्धुरामा मतगणना जारी रहेको छ ।
प्रतिक्रिया