तोलामा आज ५२ सयले बढ्दा सुनको मूल्य अहिलेसम्मकै महँगो, कति पुग्यो ?

काठमाडौं । नेपाली बजारमा आज पनि सुनको मूल्यले नयाँ रेकर्ड बनाएको छ ।

नेपाल सुन चाँदी व्यवसायी महासंघका अनुसार आज साताको दोस्रो कारोबार दिन सोमबार सुनको मूल्य तोलाको ३ लाख ९ हजार रुपैयाँ तोकिएको छ ।

यसअघि आइतबार सुनको मूल्य तोलाको ३ लाख ३ हजार ८ सय रुपैयाँमा कारोबार भएको थियो । आज सुनको मूल्य तोलामा ५ हजार २ सयले बढेको हो ।

यसअघि शुक्रबार सुनको मूल्य तोलाको ३ लाख १ हजार ४ सय रुपैयाँमा कारोबार भएको थियो ।

आज चाँदीको मूल्य पनि बढेको छ । महासंघका अनुसार चाँदीको मूल्य आज तोलामा ६ हजार ७ सय ६५ रुपैयाँ तोकिएको छ । हिजो चाँदी तोलाको ६ हजार ४ सय ८० रुपैयाँमा कारोबार भएको थियो ।