काठमाडौं । प्रतिनिधिसभा निर्वाचनमा देशभर गरी चार जना ठूला यातायात व्यवसायीले विभिन्न पार्टीबाट उम्मेदवारी दिएका छन् ।
नेपाल राष्ट्रिय यातायात व्यवसायी महासंघका वरिष्ठ उपाध्यक्ष सरोज सिटौलाका अनुसार पहिलो पटक देशभरबाट ४ जना यातायात व्यवसायीले विभिन्न पार्टीबाट उम्मेदबारी दिएका हुन् ।
उनका अनुसार नेपाली कांग्रेसबाट महासंघका केन्द्रीय अध्यक्ष विजयबहादुर स्वाँर कैलाली क्षेत्र नम्बर २, पश्चिम यातायात व्यवसायी विष्णु खड्का सुर्खेत १ र वरिष्ठ व्यवसायी भागवत मल्लले स्याङ्जा २ बाट उम्मेदबारी दिएका छन् । यस्तै राष्ट्रिय स्वतन्त्र पार्टीबाट कर्णाली यातायातका प्रमुख रमेश सापकोटा सुर्खेत २ बाट उम्मेदबारी दिएका छन् ।
महासचिव सिटौलाले प्रतिनिधीसभामा उम्मेदबारी दिएका चारजनै उम्मेदबारीलाई बिजयी गराउन ग्रामिणदेखि शहरी क्षेत्रसम्मका यातायात व्यवसायीहरु एकजुट भएर तयारी गरेको जानकारी दिए ।
प्रतिक्रिया