अत्तरिया (कैलाली) । सुदूरपश्चिम प्रदेशका मुख्यमन्त्री कमलबहादुर शाहले सुदूरपश्चिममा लगानीको विशाल सम्भावना रहेको बताउनुभएका छ ।
नेपाल उद्योग वाणिज्य महासङ्घले सुदूरपश्चिम प्रदेश लगानी सम्मेलनका अवसरमा तयार पारेको ‘सुदूरपश्चिम प्रदेशमा लगानी सम्भावना, अवसर तथा चुनौती स्थिति पत्र– २०८१’ आज बुझ्दै उनले यस्तो बताएका हुन् ।
मुख्यमन्त्री शाहले प्रदेश सरकार लगानी अनुकूल वातावरण निर्माणलाई प्राथमिकता दिएर अघि बढिरहेको बताए । उनले भने, ‘प्रदेश सरकार लगानी मैत्री वातावरण बनाउनतिर लागेको छ । निजी क्षेत्रलाई विश्वासमा लिएर अगाडि बढ्ने प्रतिबद्धता व्यक्त गर्दछु ।’
स्थिति पत्र हस्तान्तर गर्दै नेपाल उद्योग वाणिज्य महासङ्घका अध्यक्ष चन्द्रपसाद ढकालले सुदूरपश्चिममा पर्यटन, कृषि, जडीबुटी, धार्मिक तथा जलस्रोत क्षेत्रमा अपार सम्भावना रहेको बताए । उनले नेपालमा नकारात्मक धारणाभन्दा पनि सकारात्मक ऊर्जा र लगानीमैत्री सोच आवश्यक भएको बताए ।
अध्यक्ष ढकालले सुदूरपश्चिममा पर्यटन, कृषि, जडीबुटी, धार्मिक तथा जलस्रोत क्षेत्र लगायतका क्षेत्रमा ठूलो मात्रामा लगानीको सम्भावना रहेको बताउदै चिसापानीमा ५ अर्ब लगानीमा निर्माण भइरहेको केवलकार परियोजनाले प्रदेशको आर्थिक विकासमा महत्वपूर्ण टेवा पुर्याउने विश्वास व्यक्त गरे।
सिमानाका नजिकको भौगोलिक अवस्थाका कारण अन्तर्राष्ट्रिय लगानी आकर्षित हुने सम्भावना बढिरहेको उल्लेख गर्दै अध्यक्ष ढकालले देशमा नकारात्मक सोचभन्दा सकारात्मक ऊर्जा र लगानीमैत्री वातावरण आवश्यक रहेकोमा जोड दिए ।
प्रतिक्रिया